Фармацевтика тармоғини ривожлантириш агентлиги Ўзбекистон Республикаси Соғлиқни сақлаш вазирлиги

Раҳбарият

Кариев Сардор Хикматович

Директор

Кариев Сардор Хикматович 1982 йил Тошкент шаҳрида таваллуд топган. Миллати ўзбек. Маълумоти олий.

➖ 2005 йилда  Ўзбекистон Миллий университетини, 2007 йилда - Тошкент шаҳридаги Вестминстер университетини  тамомлаган. 

➖ Кариев Сардор Хикматович  иш фаолиятини 2005 йилда  «JURABEK LABORATORIES» масъулияти чекланган жамият шаклидаги қўшма  корхонасининг бош директори лавозимида бошлаб, 2019 йилгача шу лавозимда ишлаган.

➖ 2019 йил 21 февралдан Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини  ривожлантириш агентлиги  директори сифатида иш юритмокда.

Бердиев Нозим Нусратиллаевич

Директорнинг биринчи ўринбосари

Бердиев Нозим Нусратиллаевич 1987 йил Тошкент шаҳрида таваллуд топган. Миллати ўзбек. Маълумоти олий. 

➖ 2008 йилда  Тошкент фармацевтика институтининг бакалавр йўналишини ва 2010 йилда магистратура йўналишини тамомлаган.

➖ Бердиев Нозим Нусратиллаевич иш фаолиятини 2010 йилдан Дори воситалари ва тиббий техника сифатини назорат қилиш Бош бошқармасининг Фармакопея қўмитасида 1-тоифали мутахассис лавозимида бошлаган. 

➖ 2012 йилдан 2013  йилгача - шу қўмитанинг етакчи мутахассиси,  2013 йилдан 2017 йилгача – Тиббий маҳсулотларни сертификатлаштириш  идораси раҳбари ўринбосари.

➖ 2017 йилдан 2018 йилгача “Дори воситалар, тиббий буюмлар ва тиббий техника экспертизаси ва стандартизацияси Давлат маркази” Давлат унитар корхонаси директор ўринбосари, Тиббий махсулотларни сертификатлаштириш идораси раҳбари лавозимида ишлаган.

➖ 2018 йил 13 февралдан Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги директорининг биринчи ўринбосари лавозимида фаолият юритиб келмоқда.

Темиров Алишер Сматиллаевич

Диркетор ўринбосари

Темиров Алишер Сматиллаевич 1987 йилда Россия Федерациясининг Москва вилоятида таваллуд топган. Миллати ўзбек. Маълумоти олий.

➖ 2009 йилда Тошкент фармацевтика институтини тамомлаган.

➖ Темиров Алишер Сматиллаевич иш фаолиятини 2009 йилдан Масъулияти чекланган жамият шаклидаги “АГРО БИО КИМЁ” корхонасида Савдо бўлими бошлиғи лавозимида бошлаган.

➖ 2010 йилдан 2012 йилгача - “АГРО БИО КИМЁ” МЧЖ Бош директори, 2012 йилда “АГРО БИО КИМЁ” МЧЖ Ташқи иқтисодий алоқалар ва маркетинг бўлими бошлиғи.

➖ 2012 йилдан 2016 йилгача - Дори воситалари ва тиббий техника сифатини назорат қилиш Бош бошқармаси Фармакопея қўмитаси етакчи мутахассиси. 2016 йилдан 2017 йилгача - Дори воситалари ва тиббий техника сифатини назорат қилиш Бош бошқармаси Янги тиббий техника қўмитаси раиси.

➖ 2017 йилдан 2018 йилгача - “Дори воситалар, тиббий буюмлар ва тиббий техника экспертизаси ва стандартлаштириш Давлат маркази” Давлат унитар корхонаси Фармацевтика соҳасига халқаро стандартларни жорий этишни мувофиқлаштириш бўлими рахбари.

➖ 2018 йил 13 февралдан Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги директорининг ўринбосари лавозимида фаолият юритиб келмоқда.

Бегматова Қизлархон Шавкатовна

Mатбуот хизмати раҳбари

Бегматова (Хўжаева) Қизлархон Шавкатовна 1980 йил 13 майда Қашқадарё вилояти Китоб туманида таваллуд топган. 2001 йилда Ўзбекистон давлат жаҳон тиллари университетини тамомлаган.

➖ Иш фаолиятини 1999 йилда Ўзтелерадиокомпаниянинг “Ёшлар” радиоканалида таржимон сифатида бошлаб, 2006 -2010 йилларда “Ёшлар” радиоканали “Давр” ахборот  дастурлари  муҳарририятида фаолиятини давом эттирган.

➖ 1998 - 2008 йиллар давомида “Сезам”,  “Орият Доно”, “Навруз” радиоларида  бошловчилик қилган.

➖ 2014 - 2015 йилларда “Ҳамроҳ” авторадиоси бош муҳаррир лавозимини эгаллаган.

➖ 2015 - 2016 йилларда Ўзбекистон миллий телерадиокомпанияси «Toshkent» телерадиоканали «Маърифий-кўнгилочар ва кинодастурлар» бош муҳарририятида муҳаррирлик қилган.

➖ 2016 – 2019 йилларда «Toshkent» телерадиоканали «Маърифий-кўнгилочар дастурлар» бўлими мудири вазифасини бажарган. Шу давр мобайнида, яъни 2017-2019 йилларда “Ёшлар овози” радиоси бош муҳаррири лавозимини ҳам эгаллаган.

➖ 2019 йил март ойидан бошлаб Фармацевтика тармоғини ривожлантириш агентлиги Матбуот хизмати раҳбари сифатида фаолият олиб бормоқда.

Холматов Шерзод Ғайрат ўғли

Директорнинг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси

Холматов Шерзод Ғайрат ўғли 1992 йил Тошкент шаҳрида туғилган. 2016 йил Вазирлар Маҳкамаси ҳузуридаги Тошкент ислом университети тамомлаган. Ўзбекистон “Миллий тикланиш” демократик партияси аъзоси.

➖ Шерзод Холматов меҳнат фаолиятини 2011 йил Тошкент давлат шарқшунослик институти “Жаҳон сиёсати” кафедраси кабинет мудири лавозимидан бошлаган.

➖ 2014-2016 йиллар давомида Тошкент ислом университети Маънавият, маърифат ва иқтидорли талабалар билан  ишлаш бўлими методисти, Ректор иш юритувчи котиби сифатида фаолият юритган.

➖ 2016-2019 йилларда Ўзбекистон “Миллий тикланиш” демократик партияси тизимида меҳнат қилган. Шу йиллар давомида Миробод туман Кенгаши Ижроия қўмитаси етакчи мутахассиси, Тошкент шаҳар Кенгаши Ижроия қўмитаси девонининг Жамоатчилик билан алоқалар ва оммавий ахборот воситалари билан ишлаш бўйича етакчи мутахассиси, Вакиллик органларидаги депутатлик бирлашмалари билан ишлаш бўйича етакчи мутахассис, Мафкуравий, маънавий ва маърифий масалалар бўйича бош мутахассис, Ташкилий-партиявий ва кадр масалалари бўйича бош мутахассис, Тошкент шаҳар Кенгаши Ижроия қўмитаси девони раҳбари лавозимларида ишлаган.

➖ 2019 йил 2 октябрь санасидан Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги директорининг ёрдамчиси, 2020 йил 1 майдан директорнинг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси лавозимида фаолият юритмоқда

Белгиланган матнни тинглаш учун қуйидаги тугмани босинг Powered by GSpeech