Фармацевтика тармоғини ривожлантириш агентлигида Австриянинг Граз Тиббиёт Университети ва "Novabioma Biomanufacturing Flexco" компанияси вакиллари билан учрашув бўлиб ўтди.

Учрашувда Фармацевтика тармоғини ривожлантириш агентлиги директори А.Азизов, Фармацевтика техник университети ректори, Вакцина ва зардоблар илмий-тадқиқот институти директори, "Ташкент фарма парк” кластери ва Агентлик вакиллари иштирок этдилар.

Австриядан ташриф буюрган делегация вакилларидан Rainer Reinmueller Ўзбекистонга ташрифнинг мақсади ва фармацевтика соҳасида амалга оширилаётган ислоҳотлари ва янгиликларидан яқиндан хабардор бўлиш истагини билдирди.

Dr. Josef Glossl "Novabioma Biomanufacturing Flexco" компанияси фаолияти билан таништириб, дори воситаларини ишлаб чиқариш учун асосан ўсимликлардан фойдаланиб, биореактор сифатида қўлланилиши мумкинлиги ва компаниянинг янги лойиҳа асосида онкологик касалликлар ва оқсил препаратлари учун субстанцияларни ишлаб чиқариш мумкинлиги таъкидлади.

Тақдимотлардан сўнг иштирокчилар лойиҳанинг турли жиҳатлари, шу жумладан техник тафсилотлар, молиявий асослар ва логистика масалалари бўйича тушунтириш сўраб, жонли савол-жавоб сессиясида қатнашдилар.