Фармацевтика тармоғини ривожлантириш агентлиги директори Польшанинг "Polpharma" компанияси вакиллари билан учрашди.

Учрашув давомида Ўзбекистон фармацевтика бозорига қизиқиш билдираётган компания бу қизиқишнинг амалий исботи сифатида ҳозирда бозорнинг маркетинг таҳлилини ўтказаётганини маълум қилди.

Агентлик директори А.Азизов ўз навбатида юртимиз фармацевтика бозорининг бугунги ҳолати ҳақида маълумот берди. Сўнгра маҳаллийлаштириш орасида хориж компаниялари билан ҳамкорликни кенгайтириш режалари, мазкур компаниялар учун “Tashkent Pharma Park” илмий-ишлаб чиқариш фармацевтика кластерида яратилган шароитлар ҳақида сўзлаб, Polpharma вакилларини кластерга таклиф қилди.

Маълумот учун: Polpharma SA фармацевтик компаниясининг заводи Староград Гданскда жойлашган бўлиб, мазкур компания кардиология, гастроэнтерология ва неврологияда қўлланиладиган препаратларни ва рецептсиз сотиладиган бошқа дори воситаларини ишлаб чиқаради.