“Abdi İbrahim” компанияси бош директори Tashkent Pharma Park кластерига қизиқиш билдирди.

Инновацион илмий-ишлаб чиқариш фармацевтика кластерини кўздан кечирар экан, Незих Барут регулятор органлар, илмий марказ, лабораториялар, институтлар, ишлаб чиқариш майдонларини ўзида бирлаштирувчи мазкур лойиҳанинг Марказий Осиёда уникал эканини таъкидлади. Ташриф якунига кўра томонлар ҳамкорлик истиқболларини муҳокама қилиш учун учрашишга келишиб олишди.

Маълумот учун:
Туркия фармацевтик бозори етакчиси “Abdi İbrahim” компанияси мазкур секторда юз йиллик тажрибага эга бўлиб, қандли диабет, туберкулёз, ОИВ, кардиологик, психоневрологик, гастроэнтрологик, гинекологик, эндокрин ва бошқа касалликларни даволаш ва олдини олишда ишлатилувчи 100 дан зиёд турдаги препаратларни ишлаб чиқаради.