Тиббий буюм ва тиббий техникаларни ишлаб чиқарувчи корхоналар раҳбарлари диққатига!

Ўзбекистон Республикаси Президентининг тегишли Қарор ва Фармони билан тиббий буюм ва тиббий техникаларни ишлаб чиқарувчи маҳаллий корхоналарга ISO 13485 стандарти талабларини жорий этиш белгиланган.

2022 йил 1 июлдан ISO 13485 сертификатига эга ишлаб чиқарувчи ташкилотлар томонидан ишлаб чиқарилган тиббий буюм ва тиббий техникалар учун мажбурий сертификатлаштириш тартиби бекор қилинган ва 2023 йил 1 январдан фармацевтика маҳсулотлари бўйича давлат харид танловларида ISO 13485 стандартлари асосида тиббий буюмлар ва тиббий техникани ишлаб чиқаришни ташкил этган ташкилотлар қатнашишига рухсат берилади, деб белгиланган.

Юқоридагиларни инобатга олган холда топшириқнинг ижросини таъминлаш мақсадида ва Ўзбекистон техник жиҳатдан тартибга солиш агентлигининг 2024 йил 30 апрелдаги 03-13-783-сонли хатига асосан, халқаро ISO 13485 стандартини жорий этиш истагини билдирган корхоналар рўйхатини шакллантириш ҳамда уларнинг эҳтиёжини аниқлаш мақсадида қуйида келтирилган алоқа рақамлари билан боғланишингиз ва маълумотларни тақдим этишингиз сўралади.

Маълумот учун: (71) 203-81-81 (234)
(97) 702-57-97 Азиз Якубов