Фармацевтика тармоғини ривожлантириш агентлиги  соҳа ривожи йўлида хорижий давлатлар билан изчил ҳамкорлик қилиб келмоқда.

Мазкур ҳамкорликнинг  устувор йўналишларидан бири эса ҳар қандай соҳа ривожи учун муҳим бўлган кадрлар масаласи ҳисобланади. Куни кеча Агентлик экспертлари директор Абдулла Азизов бошчилигида Беларусь Республикасининг  йирик компаниялари вакиллари билан  ZOOM платформаси орқали музокаралар олиб борилди.

Музокаралар чоғи дори воситаларини ишлаб чиқариш, сифатини назорат қилиш соҳасида фаолият юритаётган фармацевтларни, муҳандис, лаборант ва технологларни мазкур давлатда малака ошириш ва тажриба алмашиш учун юбориш масаласи муҳокама қилинди