AstraZeneca фармацевтика компанияси Оксфорд университети билан ҳамкорликда ишлаб чиққан COVID-19 га қарши вакцинанинг учинчи босқич клиник синовларини Буюк Британиядаги бир иштирокчида жиддий ножўя таъсири пайдо бўлишига шубҳа туфайли тўхтатди.

Маълумки, ушбу жараёнга AҚШнинг ўнлаб тиббиёт марказлари жалб этилган. AstraZeneca компанияси матбуот котибининг маълум қилишича, стандарт хавфсизлик текшируви эмлаш жараёнида пауза келтириб чиқарган.

Компаниянинг ўзи тадқиқотни тўхтатдими ёки бунда регулятор органлар аралашуви борми ҳозирча ноаниқ. Ножўя таъсирнинг табиати ва у қачон юз бергани ҳақида ҳали ҳам аниқ маълумот йўқ. Бироқ, компания вакцинасининг клиник синовларида иштирок этаётган инсон албатта тикланиши ҳақида айтилмоқда.

Компания Матбуот хизмати ушбу вазиятни “ҳар қандай тадқиқотларда юзага келиши мумкин бўлган ҳолат” дея таърифламоқда. “Клиник синовлар муддатига таъсирни минималлаштириш мақсадида мазкур ҳолатни кўриб чиқишни тезлаштириш устида иш олиб борилмоқда”, дея қўшимча қилди Матбуот хизмати вакиллари.

Вазият билан хабардор киши, бу AstraZeneca вакцинасининг бошқа давом этаётган синовларига ва бошқа вакцина ишлаб чиқарувчиларининг клиник синовларига таъсир қилиши мумкинлигини айтди.

Дарҳақиқат, клиник синовларнинг бундай тўхтатиб турилиши тадқиқотларда одатий ҳол, ва у қанча вақт давом этади аниқ эмас. Ҳозирда учинчи босқич синовларида 9 та коронавирусга қарши вакцинага номзодлар бор бўлиб, AstraZeneca синовларни тўхтатган биринчи компания.

Фармацевтика тармоғини ривожлантириш агентлиги Матбуот хизмати