Қудратли халқимизнинг жасорат, мардлик, фидоийлик, ватанпарварлик каби эзгу фазилатларини тараннум этувчи, инсон шаъни, қадр-қиммати нечоғли улуғвор эканлигини чуқур ҳис этиш имконини берувчи Хотира ва қадрлаш куни юртимиз бўйлаб кенг миқёсда нишонланмоқда.

Жорий йилнинг 7 май санасида ана шундай тадбирлардан бири Фармацевтика тармоғини ривожлантириш агентлиги ҳузуридаги Дори воситалари, тиббий буюмлар ва тиббий техника экспертизаси ва стандартлаштириш Давлат маркази мажлислар залида бўлиб ўтди.

Тадбирда 9 май - Хотира ва қадрлаш куни муносабати билан Ўзбекистон фармацевтикаси ривожида фидокорона, сидқидилдан хизмат қилган марҳум устозлар, ҳамкасблар ва соҳа вакиллари ёдга олинди.