III ‒ ХАЛҚАРО ФАРМАЦЕВТИКА ФОРУМИ

Тошкент шаҳрида, Республика фармацевтика саноатини ривожлантириш, маҳаллий ишлаб чиқарувчиларни қўллаб-қувватлаш,

ишлаб чиқариш ва экспорт салоҳиятини ошириш ҳамда хорижий компаниялар билан ҳамкорликда қўшма лойиҳаларни амалга

ошириш мақсадида ташкил этилган “Учинчи Халқаро Фармацевтика Форуми”нинг биринчи кунига старт берилди.

Соғлиқни сақлаш вазирлиги, Фармацевтика тармоғини ривожлантириш агентлиги ҳамда Хорижий фармацевтика компаниялари ва

ишлаб чиқарувчиларининг Ўзбекистондаги ваколатхоналари Ассоциацияси ҳамкорлигида ташкил этилган форумда Германия,

Буюк Британия, Франция, Россия, Беларуссия ва бошқа давлатларнинг нуфузли фармацевтика компанияларининг вакиллари иштирок этишмоқда.  

Форум давомида пленар мажлислар, сессиялар, давра суҳбатлари, шунингдек, B2B ва В2G форматдаги учрашувлар бўлиб ўтди.