Миср давлатининг ACDIMA компанияси раҳбари Олфат Ғораб бошчилигидаги делегация юртимизга ташриф буюриб, Ўзбекистон Республикаси Инвестициялар, саноат ва савдо вазирлиги қошидаги Фармацевтика тармоғини ривожлантириш агентлиги вакиллари билан учрашди.
Унда хусусан:
 Ўзбекистонда дори воситаларини тарғиб қилиш ва тарқатиш бўйича, кейинчалик шартнома асосида ишлаб чиқаришни ташкил этиш, шунингдек, қўшни давлатлар эҳтиёжини қондириш мақсадида ҳамкорни излаш ва аниқлаш.
 ACDIMAнинг Ўзбекистон билан режалаштираётган ҳамкорлик стратегияси босқичлари:
 Асосий импорт қилинадиган дори воситаларини Мисрдан экспорт қилиш;
 Субстанцияларни «In-bulk» тарзда олиб кириб, Ўзбекистондаги ҳамкор билан иккиламчи қадоқлаш;
 Технология трансфери, «know-how» кўринишида инвестиция киритишмасалалари муҳокама қилинди.
Учрашув сўнгида ACDIMA таклиф қилинган маҳсулотлар рўйхатини таҳлил қилишга, "Nika Pharma" Миср томонининг Ўзбекистонга экспорт қилмоқчи бўлган маҳсулотларини рўйхатини ўрганиб чиқишга келишиб олинди.
Сўнг, делегация аъзолари «Дори-Дармон» АК биносида бошқарув раиси Умида Солиҳбоева билан музокаралар ўтказди.
“Дори-дармон” билан ҳамкорликда ACDIMA томонидан тақдим этилган дори воситаларини рўйхатини ўрганиб чиқиб, маркетинг тадқиқотларини ўтказиш бўйича мулоҳазалар билдирилди.

Шундан сўнг агентлик вакиллари ва ACDIMA делегацияси «Parkent-Farm» фармацевтика эркин иқтисодий зонасида жойлашган “Zuma Pharma” корхонасига ташриф буюрди ва корхона раҳбарияти билан учрашди.

Ташриф давомида делегация вакиллари корхонанинг ишлаб чиқариш қувватлари билан яқиндан танишди. ACDIMA гуруҳи таркибидаги "MUP" компанияси раҳбари Аҳмад Лела “Zuma Pharma” корхонаси билан ҳамкорликда шартнома асосида инсулин дори маҳсулотларини ишлаб чиқаришга қизиқиши борлигини таъкидлаб ўтди.

Учрашувнинг иккинчи кунида агентлик вакиллари ҳамда ACDIMA делегацияси юқумли касалликларга қарши моно ва поливалент бактериофаглар, биотехнологик маҳсулотлар ишлаб чиқарувчи «Aziya Immunopreparat» МЧЖ раҳбарияти билан учрашувда иштирок этди ва ишлаб чиқариш қуввати билан танишиб чиқишди. Музокаралар давомида «Aziya Immunopreparat» МЧЖ ва ACDIMA ўртасида ҳамкорлик қилишга келишиб олинди.

Шундан сўнг “Nika Pharm” билан агентлик вакиллари, ACDIMA делегацияси ўртасида учрашув бўлиб ўтди. Учрашув сўнгида ACDIMA таклиф қилинган маҳсулотлар рўйхатини таҳлил қилиб чиқишга, “Nika Pharm” Миср томонининг Ўзбекистонга экспорт қилмоқчи бўлган маҳсулотлар рўйхатини ўрганиб чиқишга келишиб олишди.Куннинг иккинчи ярмида "Nobel Pharmsanoat" биносида корхона вакиллари ва ACDIMA делегацияси ўртасида учрашув бўлиб ўтди.
Музокаралар давомида ҳар икки томон ўз компаниялари тўғрисида батафсил маълумот беришди. "Nobel Pharmsanoat" вакиллари ACDIMA маҳсулотларини шартнома асосида ишлаб чиқаришга тайёрликларини маълум қилишди.

Бундан ташқари, ACDIMA вакиллари Соғлиқни сақлаш вазирлиги ва Фармацевтика маҳсулотлари хавсизлиги маркази вакиллари билан учрашувда иштирок этди. Учрашувда ССВ вакиллари ACDIMA томонидан таклиф қилинган ҳамкорлик таклифларини ўрганиб чиқишга ва доимий алоқада бўлишга, ўз ваколияти доирасида ёрдам кўрсатишга тайёрлигини маълум қилишди.

Ташриф доирасида ACDIMA делегацияси фармацевтика маҳсулотлари дистрибютор компаниялар бўйича Ўзбекистондаги энг йирик корхоналардан бири — «Meros Pharm» раҳбарияти билан учрашди.

Учрашув якунида томонлар ўз таклифларини тақдим этишди ва таклифлар ўрганиб чиқилиши билан ҳамкорликнинг кейинги босқичларига ўтишга келишиб олинди.