Хитой провинцияларидан бирида аҳолининг саратон касаллигига чалиниш кўрсаткичлари иккинчисиникига қараганда паст эканининг сабаблари ўрганилди. Тадқиқотлар натижалари, саратон касали билан оғрийдиганлар кам бўлган провинциянинг аҳолиси таом рационидан қишлоқ хўжалиги маҳсулотлари ўрин олганини ва бу ернинг тупроғи селен микроэлементига бой эканини кўрсатди.

Коронавирус пандемияси бу микроэлементга эътибор кучайишига сабаб бўлди. Зеро, қонда селен ва руҳ миқдори қанчалик паст бўлса, мазкур хасталикнинг шунчалик қийин ўтиши аниқланди. Селен айнан руҳ билан биргаликда ўпкани ҳимоя қилиб, яллиғланиш реакцияси кучининг камайишига хизмат қилади.

Селен C, Mg витаминлари ҳамда В гуруҳи витаминлари билан бирга энг танқис элементлар қаторига киради.

Селен яна нимага керак?

1. Иммунитетни оширади;
2. Қалқонсимон без ишини яхшилайди (йод алмашинувини нормаллаштиради);
3. Фермент ва гормонлар ишлаб чиқарилишига ёрдам беради;
4. Инсульт, инфаркт ва артритнинг олдини олади;
5. Организмнинг оғир металлар – қўрғошин ва симобдан ҳалос бўлишига кўмаклашади;
6. Саратоннинг бир неча тури билан касалланиш ва бу хасталикдан ҳалок бўлиш ҳолатларини камайтиради. Хусусан, простата саратонига чалиниш эҳтимолини – 50% га, ўпка саратони билан оғриш эҳтимолини – 30% га пасайтиради;
7. Холестерин миқдорини пасайтиради.

Фармацевтика тармоғини ривожлантириш
агентлиги Матбуот хизмати