Фармацевтика тармоғини ривожлантириш агентлиги Ўзбекистон Республикаси Соғлиқни сақлаш вазирлиги
Ру O`z Ўз En

Юртимизда фаолият юритаётган яна 3 та корхонага миллий GMP сертификатлари тақдим қилинди

Фармацевтика тармоғини ривожлантириш агентлиги ҳузуридаги Зарур амалиётлар маркази томонидан фармацевтика тармоғида фаолият юритаётган корхона ва ташкилотларда Зарур амалиётлар (GxP) талаблари юзасидан ўтказилган фармацевтик инспекция натижаларига кўра Зарур амалиётлар сертификати (GxP) ананавий тарзда тақдим қилиб келинмоқда.

Жорий йилннинг 13 май санасида юртимизда фаолият юритаётган яна 3 нафар маҳаллий ишлаб чиқарувчи корхона - “A.B.Biokom” МЧЖ, “Samo” МЧЖ ва “Nova Pharm” МЧЖ ҚК га миллий (O'zDSt 2766:2018) GMP сертификатлари тақдим қилинди.

Маълумот учун, бугунги кунда аксарият ривожланган мамлакатларда GMP сифат стандарти дори воситалари, витаминлар, минераллар ва озиқ-овқат қўшимчаларини ишлаб чиқаришда давлат назоратининг асоси сифатида қабул қилинган. Бундай мамлакатларда миллий стандартлар GMP нинг асосий тамойиллари асосида ишлаб чиқилган, шунингдек, ишлаб чиқарилиши GMP стандартига тўғри келмайдиган дори воситаларини олиб кириш тақиқланган.

Эслатиб ўтамиз, Ўзбекистон Республикаси Президентининг 2022 йил 21 январдаги ПФ-55-сон Фармонига асосан, фармацевтика тармоғи ва республика соғлиқни сақлаш тизимидаги ташкилотлар 2024 йил 1 январгача зарур амалиётлар (GxP) талабларига мувофиқ мажбурий сертификатлаштирилиши лозим.

Фармацевтика тармоғини ривожлантириш
агентлиги Матбуот хизмати

Белгиланган матнни тинглаш учун қуйидаги тугмани босинг Powered by GSpeech