Фан ва таълимни ривожлантириш бошқармаси қуйидаги вазифаларни бажаради:
➖ Агентликнинг илмий-тадқиқот институтлари (ЎзКФИТИ, ТошВЗИТИ ва ШТИТИ) фундаментал, давлат илмий-техник дастурлари ва инновацион ишларини амалга ошириш бўйича фаолиятини мувофиқлаштиради;
➖ импорт ўрнини босувчи дори воситаларини яратиш бўйича инновацион лойиҳаларни ишлаб чиқиш ва амалга оширишда қатнашади;
➖ маҳаллий доривор субстанциялар ва тайёр дори воситаларининг ишлаб чиқишини назорат қилади;
➖ илмий-ишлаб чиқариш институтлари ва фармацевтика корхоналари ўртасида янги дори воситаларини ишлаб чиқиш ва янги тадқиқот йўналишлар бўйича ҳамкорликни таъминлайди;
➖ илмий тадқиқотлар ва ишланмаларни тижоратлаштириш ва янги тадқиқот йўналишларини бошлашда кўмаклашади;
➖ Агентликнинг Илмий-техник кенгаши йиғилишларини ташкил этади;
➖ амалий тадқиқотлар ва инновацион лойиҳалар танловига Инновацион ривожланиш вазирлигига тақдим этиш учун тегишли институтларнинг илмий лойиҳаларини танлашда иштирок этади;
➖ фармацевтика соҳаси мутахассислари учун қайта тайёрлаш, стажировка ва малака ошириш курсларини ташкил этишга кўмаклашиш.
