Истеъмолчилар ҳуқуқларини ҳимоя қилиш агентлиги томонидан COVID-19'ни даволашда қўлланиладиган дори воситаларининг нархлари ўрганилди
Охирги вақтларда республикада «Ремдесивир» вирусга қарши дори воситаси ҳамда «Инфлювак» гриппга қарши вакцинасига бўлган талаб кескин ошганлиги кузатилмоқда. Мазкур дори воситаларининг нархи бугунги кунга келиб мос равишда 1 800 000 сўм ва 250 000 сўмни ташкил этмоқда.
Ўзбекистон Республикаси Президентининг 2016 йил 31 октябрдаги 2647-сонли қарорига мувофиқ, Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги (кейинги ўринларда – Агентлик) зиммасига дори-дармон воситалари ва тиббиёт буюмларининг улгуржи ва чакана савдоси билан шуғулланувчи ташкилотлар улар нархининг давлат томонидан белгиланган тартибга риоя этишини тизимли асосда назорат қилиш вазифаси юклатилган. Мазкур қарорга мувофиқ, шунингдек, улгуржи ва чакана савдо учун чекланган савдо устамаларини қўллаш тартиби ҳам ўрнатилган. Хусусан, дорихоналар дори воситалари улгуржи сотиб олинган нархидан 20 фоиздан ортиқ бўлмаган миқдорда устама белгилаш ҳуқуқига эга бўлса, улгуржи корхоналар дори воситаси базавий нархидан, яъни Ўзбекистон Республикаси ҳудудига олиб кирилган ёки ишлаб чиқарилган нархдан 15 фоиздан ошмаган миқдорда устама белгилаш ҳуқуқига эга.
Агентлик томонидан амалга оширилган ўрганишлар натижасида қуйидагилар аниқланди:
2020 йил 9 ой мобайнида «Ремдесивир» дори воситаси республикага 11 та импорт қилувчи томонидан 56 109 минг қути миқдорида 2 млн. АҚШ долларига олиб кирилган.
Агентлик ҳисоб-китобларига кўра, мазкур дори воситасининг энг қуйи чакана нархи 457 000 сўмни, максимал нархи – 3 836 000 сўмни ташкил этади. Ўртача чакана нарх мос равишда 1 066 000 сўм сифатида қайд этилган. Ушбу катта фарқ дори воситасини ишлаб чиқарувчи давлатларнинг фарқланишида ҳамда маҳаллий импорт қилувчилар томонидан дори воситалари декларация қийматини турли хиллиги билан изоҳланади.
2020 йилнинг 9 ой мобайнида Нидерландияда ишлаб чиқарилган «Инфлювак» дори воситаси 2 та импорт қилувчи томонидан 155 490 қути миқдорида 800 минг АҚШ долларига олиб кирилган.
Мазкур гриппга қарши вакцинанинг энг паст чакана нархи 69 000 сўмдан ошмаслиги, максимал нархи 102 000 сўм атрофида бўлиши лозим. Ўртача чакана нархи – 86 000 сўм сифатида қайд этилган.
Энг юқори нарх 4-валентли вакцина учун, энг паст нарх 3 валентли вакцина учун қайд этилган.
Агентлик томонидан дори воситалари чекланган чакана нархларини ҳисоб-китоб қилиш давом эттирилмоқда, ушбу дори воситаларининг улгуржи омборлардаги захиралари ва уларни етказиб бериш истиқболлари ўрганилмоқда, шунингдек нархларни асоссиз ошишига қарши тадбирлар амалга оширилмоқда.
Агентлик тадбиркорлик субъектларини огоҳлантиради: дорихоналар томонидан мунтазам равишда (бир йил давомида икки ва ундан ортиқ марта) лицензия талаблари ва шартлари, шу жумладан, дори воситаларига нарх белгилаш тартибини бузилиши қўпол равишда қонун бузилиши ҳолати ҳисобланади ва лицензияловчи орган томонидан лицензиянинг амал қилишини белгиланган тартибда тўхтатилишига олиб келиши мумкин.
Расмийлаштирилмаган (кирим қилинмаган) товарларни сақлаш, улардан фойдаланиш ва реализация қилиш, товарлар (хизматлар) реализация қилинганлигидан далолат берувчи ҳужжатларни алмаштириш, сохталаштириш ёки йўқ қилиш, реализация қилинган товарлар қийматини ҳисоб ҳужжатларида ҳақиқатда реализация қилинган қийматидан пасайтирилган нархлар бўйича акс эттириш яширилган (камайтириб кўрсатилган) солиқ базаси суммасининг йигирма фоизи миқдорида жарима солишга сабаб бўлади (Ўзбекистон Республикаси Солиқ Кодексининг 223-моддаси).
Агентлик кейинчалик ҳам коронавирус инфекциясига қарши асосий дори воситалари чекланган чакана нархлари тўғрисида маълумотлар бериб боради.
Дори воситалари нархлари асоссиз оширилган ҳолатлар бўйича Агентликка хабар беришингизни сўраймиз.
«Инфлювак»
| Қабул қилувчи | Ишлаб чиқарувчи мамлакат | Дори воситасининг номи | Миқдори | Партия рақами | Яроқлилик муддати | Чегаравий чакана нархи |
| Ўзбекистон Республикаси Президенти Администрацияси ҳузуридаги Тиббиёт бош бошқармаси Марказий дорихонаси | Нидерландия | Инфлювак (3 валентли инсон учун гриппга қарши вакцина) – шприцда, 0,5 мл | 50 040 | Х09 | Июнь 2021 | 69 000 |
| «PHARMAXI» МЧЖ | Инфлювак (3 валентли инсон учун гриппга қарши вакцина) – шприцда, 0,5 мл | 88 946 | Х09 | Июнь 2021 | 69 000 | |
| «PHARMAXI» МЧЖ | Инфлювак Тетра 0,5 мл/вирус А штаммлари геммаглютинини) | 11 584 | Х25 | Июнь 2021 | 102 000 | |
| Ўзбекистон Республикаси Президенти Администрацияси ҳузуридаги Тиббиёт бош бошқармаси Марказий дорихонаси | Инфлювак Тетра 0,5 мл/вирус А штаммлари геммаглютинини) | 4 920 | Х25 | Июнь 2021 | 102 000 |
«Ремдесевир»
| Ишлаб чиқарувчи мамлакат | Дори воситасининг номи | Миқдори | Партия рақами | Яроқлилик муддати | Чегаравий чакана нархи |
| Индия | Джуби-Р (ХПН-Remdesivir ), инъекцияга эритма тайёрлаш учун кукун, 100мг | 5 178 | JBR20003 | Июнь 2022 | 762 000 |
| Индия | Ремдесивир (ХПН-Remdesivir), инъекция учун эритма, 100мг | 20 | 16 149 | Июнь 2022 | 781 000 |
| Индия | AA ZENVIR (ХПН- Remdesivir), инфуция учун эритмага концентрат, 100мг | 5 000 | 16 221 | Июнь 2022 | 781 000 |
| Индия | REMDESIVIR (ХПН- Remdesivir) инъекция, 100мг | 1 000 | ARDBG0820 | Июнь 2022 | 1 325 000 |
| Индия | Ковифор (ХПН-Remdesivir) инъекция учун эритма, 100мг | 1 700 | RED020001A | Июнь 2022 | 1 020 000 |
| Бангладеш | Ремивир 100 (ХПН-Remdisivir) томирга қуйишга инъекция учун лиофилизат эритма 100мг | 1 000 | CPDP011 | Июнь 2021 | 1 179 000 |
| Бангладеш | NINAVIR (ХПН-Remdesevir), инфузия учун лиофилизат кукун, 100мг | 2 000 | 20 007 | Июнь 2021 | 782 000 |
| Грузия | Remdisivir vial 100mg 20 ml (Сoncentrated solution for IV infusion) | 1 000 | 2007072A | Июль 2021 | 3 836 000 |
| Индия | Ремдесивир (ХПН-Remdesivir for Injection 100mg) инъекция учун эритма тайёрлашга кукун 100мг | 1 000 | 16 268 | Июль 2022 | 783 000 |
| Индия | Джуби-Р(ХПН-Ремдесивир) инфузия учун лиофилизат эритма, 100мг | 10 925 | JBR20005A | Июль 2022 | 457 000 |
| Индия | Джуби-Р(ХПН-Ремдесивир) инфузия учун лиофилизат эритма, 100мг | 7 645 | JBR20011 | Июль 2022 | 457 000 |
| Индия | AA ZENVIR (ХПН- Remdesivir), инфуция учун эритмага концентрат, 100мг | 1 800 | 16 575 | Август 2022 | 555 000 |
| Индия | Remdesiver (ХПН-Remdesivir) инфузия учун лиофилизат эритма, 100мг | 50 | 16 389 | Июль 2022 | 999 000 |
| Индия | Ремдак (ХПН-Remdac for Injection 100mg) инъекцияга эритма тайёрлаш учун кукун 100мг | 2 016 | B000356 | Июль 2022 | 643 000 |
| Индия | REMDESIVIR (Each vial contains: Remdesivir 100mg, Sulfobutyl ether beta-cyclodextrin, Sodium q.s., HCI/NaOH added for Ph adjustment) | 1 000 | Нет данных | Нет данных | 1 631 000 |
