Ўзбекистон Республикаси Соғлиқни сақлаш вазирлиги Фармацевтика тармоғини ривожлантириш агентлиги
Ру O`z Ўз En

"OINTMENT FARM PLUS" МЧЖга берилган лицензиянинг амал қилиши тугатилди

Фармацевтика тармоғини ривожлантириш агентлигининг Тошкент шаҳар худудий бўлинмаси томонидан ўтказилган текширувлари натижасига кўра, Тошкент шаҳар, Чилонзор туманида жойлашган "OINTMENT FARM PLUS" МЧЖга тегишли дорихона филиали лицензия талаб ва шартларини қўпол равишда бузганлиги (мувофиқлик сертификатисиз дори воситасини чакана реализация қилганлик) ҳолати аниқланди.

Мазкур ҳолат бўйича Фармацевтика тармоғини ривожлантириш агентлиги Тошкент шаҳар худудий бўлинмасининг "OINTMENT FARM PLUS" МЧЖга дори воситаларини ва тиббий буюмларни чакана реализация қилиш учун 2020 йил 30 ноябрда берилган TS 1082-рақамли лицензиянинг амал қилишини тугатишни сўраб Тошкент туманлараро иқтисодий судига киритган даъво аризаси суднинг 2021 йил 5 август кунидаги 4-1001-2106/22454-сонли ҳал қилув қарори билан қаноатлантирилди ва "OINTMENT FARM PLUS" МЧЖ дорихона филиалига дори воситалари ва тиббий буюмларни чакана реализация қилиш учун берилган лицензиянинг амал қилиши тугатилди.

Маълумот учун, “Дори воситалари ва тиббий буюмларни чакана реализация қилишни лицензиялаш тартиби тўғрисида"ги низом (рўйхат рақами 284-сон 12.05.2017)га асосан, дори воситалари ва тиббий буюмларни мувофиқлик сертификатларисиз сақлаш ва (ёки) реализация қилиш - фаолият учун берилган лицензиянинг амал қилиши белгиланган тартибда тўхтатилишига олиб келадиган, лицензия талаблари ва шартларини қўпол равишда бузилиши ҳисобланади!

Шунингдек, сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш, шунингдек дори воситаларини ёки тиббий буюмларни дорихоналардан ва уларнинг филиалларидан ташқарида реализация қилганлик учун маъмурий ва жиноий жавобгарлик белгиланган.

Белгиланган матнни тинглаш учун қуйидаги тугмани босинг Powered by GSpeech