«Tashkent Pharma Park» инновацион илмий-ишлаб чиқариш фармацевтика кластерини ривожлантириш дирекцияси давлат муассасасида бўш иш ўринлари учун очиқ танлов эълон қилинди.

2021 йилнинг 6 июлдаги “Коррупцияга қарши курашиш фаолиятини самарали ташкил этишга доир қўшимча чора-тадбирлар тўғрисида”ги Президент қарорига мувофиқ, 2021 йил 1 сентябрдан давлат органлари ва ташкилотлари ходимлари онлайн очиқ танлов асосида ишга қабул қилиниши белгиланган.

Мазкур қарор ижроси юзасидан Фармацевтика тармоғини ривожлантириш агентлигининг «Tashkent Pharma Park» инновацион илмий-ишлаб чиқариш фармацевтика кластерини ривожлантириш дирекцияси 2022 йил 31 октябрда бўш иш ўринлари учун ишга қабул қилиш очиқ танловини эълон қилади.

Ариза ва маълумотномаларни «Tashkent Pharma Park» инновацион илмий-ишлаб чиқариш фармацевтика кластерини ривожлантириш дирекциясининг pharmapark.uz веб-саҳифаси ёки Агентликнинг uzpharmagency.uz веб-саҳифасига фақат онлайн тарзда тақдим этишингиз сўралади.

Марказ манзили: Тошкент ш. Юнусобод тумани, Ч.Айтматов кўчаси 1а уй.

Телефон: 71-203-81-81

Фармацевтика тармоғини ривожлантириш
агентлиги Матбуот хизмати