Агентликда Қозоғистоннинг “Dolce Pharm” компанияси вакиллари билан учрашув бўлиб ўтди.

Учрашув чоғида мазкур компания таъсисчиси шифохоналарда ишлатиладиган тиббий буюмларнинг аҳамияти ҳақида ўз фикрларини билдирди. Хусусан кўп марта қўлланилувчи тиббий буюмлардан фойдаланиш натижасида келиб чиқувчи муаммоларга алоҳида урғу берди. Шунингдек, жаҳон талабларига мос бўлган бир марталик тиббий буюмлардан фойдаланишнинг моддий ва ижтимоий афзалликлари тўғрисида ўз мулоҳазаларини билдириб, Ўзбекистон Республикасида ҳам “Dolce Pharm” тиббий буюмлар ишлаб чиқариш корхонасини ташкил этиш бўйича таклифлар берди. Агентлик раҳбарияти, бу масалада мазкур компания билан хамкорлик қилиш истагини билдирувчи маҳаллий ишлаб чиқарувчилар билан алоқа ўрнатишда амалий ёрдам беришга тайёрлигини билдирди.