Фармацевтика тармоғини ривожлантириш агентлигида Покистоннинг "Herbion" компанияси вакиллари билан учрашув бўлиб ўтди.

Агентлик директори Абдулла Азизов "Herbion" компанияси директори Nadeem Khalid, компаниянинг МДҲ мамлакатлари бўйича минтақавий менежери Aziz Khalid, компаниянинг Ўзбекистондаги ваколатхона раҳбари Farman Khan Ali билан учрашди. Покистон томонидан Ўзбекистон Республикасида мавжуд бўлган доривор ўсимликларни қайта ишлаш ва дори маҳсулотларини ишлаб чиқариш бўйича инвестиция лойиҳасини амалга ошириш, шу билан бирга Ўзбекистон ҳудудида “Logistis hub” яратиш мақсадида эканликлари билдирилди.

Учрашув сўнгида Агентлик директори ҳамкорликка тайёр эканлиги ва ушбу лойиҳани амалга оширилишида ваколат доирасида қўллаб-қувватлашини билдирди.