Жорий йилнинг 8 ноябрь куни Фармацевтика тармоғини ривожлантириш агентлиги директори Сардор Кариев Туркиядаги йирик дори ишлаб чиқарувчилардан бири бўлган “Abdi Ibrahim” компанияси бош ижроси директори (СЕО) Суха Ташпoлaтўғлу бошчилигидаги делегацияни қабул қилди.

Агентлик директори компания вакилларини Ўзбекистонга инвестиция киритиш имкониятлари билан таништирди. Учрашув чоғи юртимизда компаниянинг ваколатхонасини очиш, дори воситаларини тўғридан-тўғри воситачиларсиз етказиб беришни кенгайтириш каби масалалар муҳокама қилинди.

Маълумот учун: 1912 йилда ташкил топган “Abdi Ibrahim” компанияси Туркия, Жазоир ва Қозоғистонда дори воситаларини ишлаб чиқаришни йўлга қўйган. Онкология, гематология, кардиология, эндокринология, тери хасталиклари, марказий нерв системаси, ошқозон-ичак тизими, ревматология, аёллар хастаклари каби терапевтик гуруҳларда 400 га яқин турдаги дори воситаларини ишлаб чиқарувчи компаниянинг маҳсулотлари жами 70 давлатга экспорт қилинади.

Фармацевтика тармоғини ривожлантириш
агентлиги Матбуот хизмати