Фармацевтика тармоғини ривожлантириш агентлигининг Лицензиялаш ва назорат қилиш бошқармаси томонидан ўтказилган текширувда Наманган вилоятида жойлашган “ABDULLO FARM SAVDO SERVIS” МЧЖ фармацевтика маҳсулотларини улгуржи реализация қилиш омборхонасида аниқланган лицензия талаб ва шартларини бузилиш ҳолатлари бўйича унга тайёр дори воситалари ва тиббий буюмларни улгуржи реализация қилиш учун берилган 2018 йил 30 августдаги 15274 рўйхат рақамли лицензияни бекор қилишни сўраб Наманган туманлараро иқтисодий судига киритилган даъво ариза суднинг 2022 йил 26 октябрдаги 4-1601-2202/73-сонли ҳал қилув қарори билан қаноатлантирилди ва “ABDULLO FARM SAVDO SERVIS” МЧЖга фармацевтика фаолияти билан шуғулланиш учун берилган лицензия бекор қилинди.

Шу ўринда, Лицензиялаш ва назорат қилиш бошқармаси фармацевтик лицензиатларни фармацевтика фаолиятини амалга оширишда лицензия талаб ва шартларини бузилишига йўл қўймасликлари тўғрисида яна бир бор огоҳлантиради.

Лицензиялаш ва назорат қилиш бошқармаси