Инновацион ривожланиш вазирлиги Матбуот котиби Назокат Абдуқундузованинг саволига Ўзбекистон Республикаси санитария-эпидемиологик осойишталик ва жамоат саломатлиги хизмати, вакциналар ва иммунопрофилактика бўлими бошлиғи Дилором Турсунова жавоб беради.

- Маълумки, коронавирусга қарши вакцина аутоиммун касалликларда, ҳомиладор ва эмизикли аёлларда, 18 ёшдан кичик бўлган болаларга ҳамда сурункали ёки бирон бир касалликнинг авж олган даврида қилиш тавсия этилмайди.

Коронавирус билан кўп аҳолимиз деярли хасталанганлиги қайд этилган. Шу боис уларнинг организмида антитаначалар шаклланган бўлиши табиий. Бироқ бу энди вакцина олмасам ҳам бўлади, дегани эмас. Негаки ҳозирда кўп коронавируснинг янги штаммлари қайд этилмоқда. Шу сабабли олдин касал бўлганларда ҳам коронавирусга қайта чалиниш ҳолатлари қайд этилгаётгани маълум. Ҳатто, айримларда иккинчи бор касалликни бошидан ўтказиши жуда оғир кечмоқда.

Шу сабабли коронавирус билан оғриган фуқароларни ҳам 3 ой муддат ўтгандан сўнг, албатта, эмланишларини тавсия этмоқдамиз.

Вакцина олиш учун антитаначаларнинг организмда даражасини ҳам аҳамияти йўқ. Негаки антитаначалар сизни бошингиздан ўтказган коронавируснинг маълум бир штаммига таъсир кўрсатади. Вакцина орқали унинг бир қанча штаммларини юқтириш хавфидан ҳимояланасиз.