Коронавирус билан касалланганларни даволашда қўлланиладиган импорт қилинувчи дори воситалари ва биологик фаол моддалар ҳамда тиббий буюмлар ва тиббий техникалар рўйхатига ўзгартириш киритилди

Хабарингиз бор, Вазирлар Маҳкамасининг 2020 йил 22 июлдаги “Коронавирус пандемияси даврида дори воситалари, тиббий буюмлар ва тиббий техникалар муомаласини тартибга солишга доир чора-тадбирлар тўғрисида”ги 449-сон қарори қабул қилинган эди.

Ҳужжат билан 2020 йилнинг 1 октябрига қадар, Ўзбекистон Республикасида рўйхатдан ўтказмасдан ҳамда сертификатлаштирмасдан импорт қилинадиган, COVID-19 инфекцияси билан касалланган беморларни даволашда қўлланиладиган тиббий буюмлар ва тиббий техникалар шунингдек, Ўзбекистон Республикасида рўйхатдан ўтказмасдан, мажбурий сертификациялаштириш шарти билан импорт қилинадиган, COVID-19 инфекцияси билан касалланган беморларни даволашда қўлланиладиган дори воситалари ва биологик фаол моддалар рўйхати тасдиқланган.

Коронавирус тарқалишининг олдини олиш бўйича қабул қилинган чора-тадбирлар дастурини амалга оширишни давом эттириш мақсадида, Вазирлар Маҳкамасининг 2020 йил 24 сентябрдаги 582-сон Қарори билан ушбу рўйхатга ўзгартириш киритилиб, белгиланган муддат 2021 йил 1 мартга қадар узайтирилди.

Қарорга кўра, коронавирусга инфекцияси билан касалланган беморларни даволашда қўлланиладиган дори воситалари ҳамда уларни ишлаб чиқариш учун ишлатиладиган дори моддалари (субстанциялар) импорт қилинганда давлат рўйхатидан ўтказилмасдан ва мажбурий сертификатлаштирилмасдан божхона расмийлаштирувини амалга ошириш ва реализация қилишга рухсат берилди ҳамда қўшилган қиймат солиғидан озод этилди.

Эслатиб ўтамиз, Ўзбекистон Республикасида рўйхатдан ўтказмасдан, мажбурий сертификациялаштириш шарти билан импорт қилинадиган, COVID-19 инфекцияси билан касалланган беморларни даволашда қўлланиладиган дори воситалари ва биологик фаол моддалар рўйхатида келтирилган 73 номдаги дори воситаларидан фақатгина 29 тасини ишлаб чиқариш учун ишлатиладиган дори моддалари (субстанциялар)ни импорт қилишда ҚҚС бўйича имтиёз берилган. (Вазирлар Маҳкамасининг 2019 йил 17 декабрдаги 1008-сон қарори).

Ўзбекистон Республикасида рўйхатдан ўтказмасдан ҳамда сертификатлаштирмасдан импорт қилинадиган ва маҳаллий ишлаб чиқарувчи корхоналар томонидан ишлаб чиқариладиган, COVID-19 инфекцияси билан касалланган беморларни даволашда қўлланиладиган тиббий буюмлар ва тиббий техникалар рўйхатига “Экспресс-тесты на антитела и антиген к COVID-19” киритилди.

Шунингдек, рўйхатдан ўтказмасдан, мажбурий сертификациялаштириш шарти билан импорт қилинадиган ва маҳаллий ишлаб чиқарувчи корхоналар томонидан ишлаб чиқариладиган, COVID-19 инфекцияси билан касалланган беморларни даволашда қўлланиладиган дори воситалари ва биологик фаол моддалар рўйхатига:

Фармацевтика тармоғини ривожлантириш агентлиги Матбуот хизмати