Ўзбекистон Республикаси Соғлиқни сақлаш вазирлиги Фармацевтика тармоғини ривожлантириш агентлиги
Ру O`z Ўз En

“Detralex Pharm” МЧЖга берилган лицензия бекор қилинди

Наманган вилоят фармацевтика тармоғини ривожлантириш бўлинмаси томонидан Наманган вилояти, Наманган шаҳар, Бобуршоҳ кўчаси, 136-уйда жойлашган “DETRALEX PHARM” МЧЖ дорихонасида дори воситалари ва тиббий буюмларнинг фармацевтик маълумотга эга бўлмаган шахс томонидан реализация қилиниши юзасидан ўтказилган назорат текширувида лицензия талаб ва шартларини қўпол равишда бузилганлиги аниқланди.

Аниқланган ҳолатлари бўйича, “DETRALEX PHARM” МЧЖга дори воситалари ва тиббий буюмларни чакана реализация қилиш учун 2022 йил 26 мартда берилган 0829-сонли лицензияни бекор қилинишини сўраб, Наманган туманлараро иқтисодий судига киритилган даъво ариза суднинг 2022 йил 15 ноябрдаги 4-1601-2202/5708-сонли ҳал қилув қарори билан қаноатлантирилди ва “DETRALEX PHARM” МЧЖга Дори воситалари ва тиббий буюмларни чакана реализация қилиш фаолияти учун берилган 0829-сонли лицензия бекор қилинди.

Шу ўринда Фармацевтика тармоғини ривожлантириш агентлиги фармацевтика фаолиятини лицензиялаш ва назорат қилиш бўйича ваколатли орган сифатида фармацевтик лицензиатларни фармацевтика фаолиятини амалга оширишда лицензия талаб ва шартларини бузилишига йўл қўймасликлари тўғрисида яна бир бор огоҳлантиради.

Фармацевтика тармоғини ривожлантириш
агентлиги Матбуот хизмати

Белгиланган матнни тинглаш учун қуйидаги тугмани босинг Powered by GSpeech