Дори қабул қилишни ким хоҳлайди дейсиз, айниқса, масалан, антибиотикларни. Анча яхши бўлиб қолдим, нима қиламан бу “заҳар”ни ичиб деб ўйлашингиз мумкин.

Бироқ, бирор бир дорини қабул қилиш курси унинг самарадорлиги бўйича илмий тадқиқотларга асосланган. Хусусан, антибиотик курслари касаллик келтириб чиқарадиган барча патоген бактерияларни йўқ қилишга мўлжалланган. Уларни қабул қилишни муддатдан олдин тўхтатсангиз, баъзи бактериялар омон қолиши эҳтимоли бор ва бир-икки кун ичида сиз яна касал бўлиб қолишингиз мумкин. Бироқ, энг ёмони кейин бўлиши мумкин.

Бактериялар одамларга қараганда анча тез ривожланади, яъни жуда тезлик билан кўпаяди. Тирик қолган бактериялар маълум бир антибиотикга қарши иммунитетни ривожлантириши мумкин, кейин сиз бошқа дори ичишингиз керак бўлади, чунки аввалги дори энди сизга таъсир қилмайди.

Антибиотикларни ортиқча истеъмол қилмаслик яхшироқдир, чунки уларнинг тез-тез ишлатилиши патоген организмлар учун ўзига хос машқ вазифасини ўташи мумкин.

—