Фармацевтик инспекция нима дегани? Ва нималар фармацевтик инспекциядан ўтказилади?

Жавоб: Вазирлар Маҳкамасининг 2019 йил 18 сентябрдаги 788-сон қарорига кўра:

Фармацевтик инспекция - Зарур амалиётлар (GxP) талаблари юзасидан сертификатлаштириш ёки инспекция назоратини амалга ошириш мақсадида ўтказилади.

Инспекция назорати (GxP) сертификат тақдим этилгандан сўнг сертификатнинг амал қилиш муддатида белгиланган талабларга мувофиқлигини тасдиқлаш мақсадида ишчи орган* томонидан йилига камида 1 маротаба ўтказилади.

(*ишчи орган — Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлигининг Дори воситалари, тиббий буюмлар ва тиббий техника экспертизаси ва стандартлаштириш давлат маркази)

Ўзбекистон Республикасида қуйидагилар фармацевтик инспекциядан ўтказилади:

☑️ барча маҳаллий дори воситалари ишлаб чиқарувчилар Зарур ишлаб чиқариш амалиётининг миллий талабларига мувофиқ;

☑️ Ўзбекистон Республикаси Соғлиқни сақлаш вазирлигининг клиник тадқиқотлар ўтказувчи барча клиник базалари Зарур клиника амалиёти (GCP) миллий талабларига мувофиқ;

☑️ фармацевтика маҳсулотларининг клиник-олди тадқиқотларини амалга оширувчи барча лабораториялар Зарур лаборатория амалиётининг (GLP) миллий талабларига мувофиқ;

☑️ фармацевтика маҳсулотларини улгуржи сотиш билан шуғулланувчи барча маҳаллий корхоналар Зарур дистрибюторлик амалиётининг (GDP) миллий талабларига мувофиқ.

Фармацевтик инспекцияларни ўтказиш билан боғлиқ ишларга ҳақ тўлаш натижаларидан қатъи назар, ариза берувчи томонидан қонун ҳужжатларига белгиланган тартибда амалга оширилади.