Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги қуйидагиларни маълум қилади:

Ўзбекистон Республикаси Президентининг 2022 йил 21 январдаги “2022-2026 йилларда республиканиниг фармацевтика тармоғини ривожлантиришга оид қўшимча чора-тадбирлар тўғрисида”ги ПФ-55-сон Фармонига асосан, 2023 йил 1 январдан фармацевтика маҳсулотлари бўйича давлат харид танловларида фақатгина «Зарур ишлаб чиқариш амалиёти (GMP)» стандартлари асосида дори воситаларини, «ISO:13485» стандартлари асосида тиббий буюмлар ва тиббий техникани ишлаб чиқаришни ташкил этган ташкилотлар ва «Зарур дистрибюторлик амалиёти (GDP)» стандартларини жорий этган улгуржи савдо ташкилотлари қатнашишига рухсат берилиши белгиланган.

Шу муносабат билан, келгуси фаолият давомида корхоналар фармацевтика маҳсулотлари бўйича давлат харид танловларида қатнашишлари учун ўз йўналишлари бўйича зарур амалиёт талабларига мувофиқлик юзасидан тегишли сертификатларга эга бўлишлари керак.

GxP талабларини татбиқ этиш бўйича Сиз, “Зарур амалиётлар маркази” ДУКка ўрнатилган тартибда ариза билан мурожаат этишингиз лозим.

Манзил: Тошкент шаҳри, Чингиз Айтматов кўчаси, 1“А” уй.
Телефон: (998 71) 203-30-32/ 151.
Электрон почта: gxp.duk@ssv.uz

Фармацевтика тармоғини ривожлантириш
агентлиги Матбуот хизмати