Дори воситалари сифатини таъминлашнинг асосий мезони стандарт билан белгиланади. Бугунги кунда фармацевтика соҳасида маҳсулотлар сифатини ва хавфсизлиги таъминлашга, яхши ишлаб чиқариш амалиётига ўтишга, сифатни назорат қилишга алоҳида эътибор қаратилмоқда.

Наманган вилоятида фармацевтика маҳсулотларини ишлаб чиқарувчи ва экспорт қилувчи корхоналар сони ўндан ортди. Юзлаб ёшлар тармоқда фаол хизмат қилмоқдалар.

«Ўзстандарт» агентлиги Халқаро ҳамкорлик бошқармаси ҳамкорлигида “Uz Test” маркази Наманган филиали томонидан “NAMANGAN PHARM PLANT” корхонасида «Яхши ишлаб чиқариш амалиёти (GMP)” Oʼz DSt 2766:2018 стандарт талаблари бўйича умумий тушунчалар, халқаро стандартининг мазмун-моҳияти, жорий этишдаги талаблар бўйича ўқув семинари ташкил этилди.

Унда ходимларга қўйилган талаблар, инекцион эритмалар ишлаб чиқаришга ва сақлашга қўйилган талаблар, шахсий ва умумий гигиена қоидалари ҳақида батафсил маълумот берилди ва ишчи ходимларнинг қизиқтирган саволлари жавоб берилди.

Халқаро стандартларни жорий этган ушбу корхонада ишлаб чиқарилаётган маҳсулотлар Қирғизистон, Тожикистон, Қозоғистон ва бошқа хорижий давлатларига доимий экспорти йўлга қўйилган.

«Ўзстандарт» агентлиги
Халқаро ҳамкорлик бошқармаси
“UzTest” ДК Наманган вилояти филиали