2022 йил 21 февраль куни “DUBAI EXPO-2020” халқаро кўргазмаси доирасида Инвестициялар ва ташқи савдо вазирлигининг вакиллари, Фармацевтика тармоғини ривожлантириш агентлиги мутахассислари ҳамда иштирокида БААнинг йирик фармацевтик компания, дистрибьютор корхоналари, кенг дорихоналар тармоғи ва бир нечта тиббиёт клиникаларга эга бўлган “Aster DM Healthcare» компанияси вакиллари ўртасида учрашув ташкил этилди.

Учрашув доирасида Фармацевтика тармоғини ривожлантириш агентлиги директори ўринбосари Алишер Темировнинг тақдимоти бўлиб ўтди.

Ўзбекистон фармацевтика саноати вакиллари, хусусан, “Uzgermed Pharm” МЧЖ ҚК, “SAMO” МЧЖ, “Фазо Люкс” МЧЖ, “Remedy Group” МЧЖ ҚК, "Avantika" МЧЖ, “Шифокор-82” фармацевтик компаниялари иштирокида ўтган мазкур учрашувда маҳаллий фармацевтика маҳсулотларининг Амирликлар бозорига экспорт қилиш имкониятлари муҳокама қилинди.

Ҳусусан, мамлакатимизда ишлаб чиқарилган фармацевтика маҳсулотларини ушбу бозорга экспорт қилиш ниятида бўлган махаллий компаниялар ўртасида савол-жавоблар ўтказилди.

Инвестициялар ва ташқи савдо вазирлигининг БААдаги ваколатхонаси, Фармацевтика тармоғини ривожлантириш агентлиги билан “Aster DM Healthcare” компанияси ҳамда махаллий фармацевтик корхоналарнинг савдо-иқтисодий алоқаларини мустаҳкамлаш, ўзаро ҳамкорликни босқичма-босқич ривожлантиришга келишиб олинди.

Фармацевтика тармоғини ривожлантириш
агентлиги Матбуот хизмати