Фармацевтика тармоғини ривожлантириш агентлиги Ўзбекистон Республикаси Соғлиқни сақлаш вазирлиги
Ру O`z Ўз En

Лицензиялаш ва назорат қилиш бошқармаси ахбороти

Соғлиқни сақлаш вазирлиги ҳузуридаги Фармацевтика тармоғини ривожлантириш Агентлигининг Лицензиялаш ва назорат қилиш бошқармаси томонидан 2021 йил I-V чоракларда фармацевтика фаолияти билан шуғулланувчи давлат тиббиёт муассасалари дорихоналарининг лицензия талаб ва шартларига риоя этишларини назорат қилиш бўйича ўтказиладиган текширишлар режа-жадвалига мувофиқ, 2021 йил 27 майда Хоразм вилояти РШТЁИМ Хоразм филиали, Янтиариқ туман тиббиёт бирлашмаси, Урганч туман тиббиёт бирлашмаси ва Хазорасп туман тиббиёт бирлашмаси ички дорихоналарида текшириш ишлари ўтказилди.

Текширувларда тиббиёт муассасалари томонидан лицензия талаб ва шартлари, шу жумладан "Дори воситалари ва тиббий буюмларни тайёрлаш, сақлаш, уларнинг сифатини назорат қилиш ҳамда уларни расмийлаштириш тартиби тўғрисидаги низом" талаблари бузилиш ҳолатлари аниқланиб, ушбу муассасаларга нисбатан бажарилиши мажбурий бўлган ёзма кўрсатмалар шаклидаги таъсир чоралари белгиланди.

Шу билан бирга, лицензия талабларини бузилиш ҳолатларини олдини олишга қаратилган профилактик тадбирлар доирасида Хоразм вилоятида фаолият юритаётган дори воситаларинини тайёрлаш, дори воситалари ва тиббий буюмларни ишлаб чиқариш, дори воситалари ва тиббий буюмларни улгуржи реализация қилиш ҳуқуқига эга жами 41 та лицензиатлар ва тадбиркорлар иштирокида семинар-йиғилиш ўтказилди.

Йиғилишда Соғлиқни сақлаш вазирининг «Дори воситаларини ва тиббий буюмларни тайёрлаш, саклаш, уларнинг сифатини назорат қилиш ҳамда уларни расмийлаштириш тартиби тўғрисидаги низомни тасдиқлаш ҳақида» 2018 йил 27 мартдаги 17-сонли буйруғи (рўйхат рақами 2990) бўйича маълумотлар йиғилиш иштирокчилари эътиборига етказилди.

Семинарда 2020 йил 4 - чорак ва 2021 йил 1-чоракда жисмоний ва юридик шахслардан келиб тушган шундай мурожаатларга биноан белгиланган тартибда ўтказилган текширувларда кўрилган таьсир чоралар тўғрисида маълумот берилиб, дори воситалари муомаласида сифатсиз, контрафакт фармацевтик маҳсулотлар айланмасига йўл қўймаслик тўғрисида лицензиялар огоҳликка чақирилди.

Шунингдек, Ўзбекистон Республикаси Президентининг 2019 йил 10 апрелдаги «2019-2021 йилларда республиканинг фармацевтика тармоғини янада жадал ривожлантириш чора-тадбирлари тўғрисида» ПФ-5707-сон Фармони 4-бандига асосан 2022 йилнинг 1 январига қадар Фармацевтика махсулотларини ишлаб чиқарувчи барча маҳаллии корхоналар «Зарур ишлаб чикариш амалиёти , GMP миллий талабларига мувофиқ. Фармацевтика маҳсулотларини улгуржи сотиш билан шуғулланувчи барча маҳаллий корхоналар «Зарур дистрибюторлик амалиёти-GDP» миллий стандарти талабларига мувофик мажбурий сертификатлаштирилиши зарур эканлиги белгиланганлиги ва мазкур қонун ҳужжати талабига риоя этмаслик 2022 йил 1 январдан бошлаб лицензия талабини бузилиши ҳолати деб баҳоланиши мумкинлиги ҳақида лицензиатлар огоҳлантирилди.

Семинар сўнгида йиғилиш қатнашчилари томонидан берилган саволларга мутахассислар томонидан тегишли жавоблар берилди.

Лицензиялаш ва назорат қилиш бошқармаси

Белгиланган матнни тинглаш учун қуйидаги тугмани босинг Powered by GSpeech