Farmatsevtika tarmogʻini rivojlantirish agentligi Oʻzbekiston Respublikasi Sogʻliqni saqlash vazirligi
Ру O`z Ўз En

Farmatsevtika tarmog‘ini rivojlantirish agentligining Litsenziyalash va nazorat qilish boshqarmasi axboroti

Sog‘liqni saqlash vazirligi huzuridagi Farmatsevtika tarmog‘ini rivojlantirish Agentligining Litsenziyalash va nazorat qilish boshqarmasi tomonidan 2021 yil I-V choraklarda farmatsevtika faoliyati bilan shug‘ullanuvchi davlat tibbiyot muassasalari dorixonalarining litsenziya talab va shartlariga rioya etishlarini nazorat qilish bo‘yicha o‘tkaziladigan tekshirishlar reja-jadvaliga muvofiq, 2021 yil 27 mayda Xorazm viloyati RSHTYOIM Xorazm filiali, Yantiariq tuman tibbiyot birlashmasi, Urganch tuman tibbiyot birlashmasi va Xazorasp tuman tibbiyot birlashmasi ichki dorixonalarida tekshirish ishlari o‘tkazildi.

Tekshiruvlarda tibbiyot muassasalari tomonidan litsenziya talab va shartlari, shu jumladan "Dori vositalari va tibbiy buyumlarni tayyorlash, saqlash, ularning sifatini nazorat qilish hamda ularni rasmiylashtirish tartibi to‘g‘risidagi nizom" talablari buzilish holatlari aniqlanib, ushbu muassasalarga nisbatan bajarilishi majburiy bo‘lgan yozma ko‘rsatmalar shaklidagi taʼsir choralari belgilandi.

Shu bilan birga, litsenziya talablarini buzilish holatlarini oldini olishga qaratilgan profilaktik tadbirlar doirasida Xorazm viloyatida faoliyat yuritayotgan dori vositalarinini tayyorlash, dori vositalari va tibbiy buyumlarni ishlab chiqarish, dori vositalari va tibbiy buyumlarni ulgurji realizatsiya qilish huquqiga ega jami 41 ta litsenziatlar va tadbirkorlar ishtirokida seminar-yig‘ilish o‘tkazildi.

Yig‘ilishda Sog‘liqni saqlash vazirining «Dori vositalarini va tibbiy buyumlarni tayyorlash, saklash, ularning sifatini nazorat qilish hamda ularni rasmiylashtirish tartibi to‘g‘risidagi nizomni tasdiqlash haqida» 2018 yil 27 martdagi 17-sonli buyrug‘i (ro‘yxat raqami 2990) bo‘yicha maʼlumotlar yig‘ilish ishtirokchilari eʼtiboriga yetkazildi.

Seminarda 2020 yil 4 - chorak va 2021 yil 1-chorakda jismoniy va yuridik shaxslardan kelib tushgan shunday murojaatlarga binoan belgilangan tartibda o‘tkazilgan tekshiruvlarda ko‘rilgan tasir choralar to‘g‘risida maʼlumot berilib, dori vositalari muomalasida sifatsiz, kontrafakt farmatsevtik mahsulotlar aylanmasiga yo‘l qo‘ymaslik to‘g‘risida litsenziyalar ogohlikka chaqirildi.

Shuningdek, O‘zbekiston Respublikasi Prezidentining 2019 yil 10 apreldagi «2019-2021 yillarda respublikaning farmatsevtika tarmog‘ini yana-da jadal rivojlantirish chora-tadbirlari to‘g‘risida» PF-5707-son Farmoni 4-bandiga asosan 2022 yilning 1 yanvariga qadar Farmatsevtika maxsulotlarini ishlab chiqaruvchi barcha mahallii korxonalar «Zarur ishlab chikarish amaliyoti , GMP milliy talablariga muvofiq. Farmatsevtika mahsulotlarini ulgurji sotish bilan shug‘ullanuvchi barcha mahalliy korxonalar «Zarur distribyutorlik amaliyoti-GDP» milliy standarti talablariga muvofik majburiy sertifikatlashtirilishi zarur ekanligi belgilanganligi va mazkur qonun hujjati talabiga rioya etmaslik 2022 yil 1 yanvardan boshlab litsenziya talabini buzilishi holati deb baholanishi mumkinligi haqida litsenziatlar ogohlantirildi.

Seminar so‘ngida yig‘ilish qatnashchilari tomonidan berilgan savollarga mutaxassislar tomonidan tegishli javoblar berildi.

Litsenziyalash va nazorat qilish boshqarmasi

Belgilangan matnni tinglash uchun quyidagi tugmani bosing Powered by GSpeech