Фармацевтика тармоғини ривожлантириш агентлигининг расмий баёноти
Хабарингиз бор, лицензиялаш ва рухсат бериш тартиб-таомилларини тубдан такомиллаштириш ҳамда бюрократик тўсиқларни бартараф этиш орқали тадбиркорлик субъектлари фаолияти учун янада кенг шарт-шароитларни яратиш мақсадида Ўзбекистон Республикаси Президентининг 2020 йил 24 августдаги "Лицензиялаш ва рухсат бериш тартиб-таомилларини тубдан такомиллаштириш чора-тадбирлари тўғрисида"ги ПФ-6044 Фармони қабул қилинган.
Мазкур Фармоннинг 7 бандига мувофиқ, 2020 йилда муддати тугайдиган фармацевтика фаолияти учун берилган лицензия ва рухсат этиш хусусиятига эга ҳужжатларнинг амал қилиш муддати 2021 йил 1 январга қадар узайтирилган эди. Эндиликда, 2020 йилда лицензиясининг амал қилиш муддати тугаган ва 2021 йилда ҳам фармацевтика фаолиятини давом эттириш истагида бўлган лицензиятлар белгиланган тартибда янги лицензия олишлари талаб этилади.
Фармонининг 1-иловасидаги рўйхатга мувофиқ, 2021 йил 1 январдан бошлаб Фармацевтика фаолиятининг:
Бунда, лицензия ва рухсат этиш хусусиятига эга ҳужжат ўрнига тартибга солишнинг муқобил механизми ишлаб чиқилиши таклиф этилган бўлиб, тиббий буюмларни ишлаб чиқариш ва тайёрлаш фаолиятини техник тартибга солиш бўйича қоидалар (Норматив-ҳуқуқий ҳужжат лойиҳаси) Фармацевтика тармоғини ривожлантириш агентлиги томонидан ишлаб чиқилмоқда.
Шунингдек, Фармонининг 3-иловасидаги рўйхатга мувофиқ, 2021 йил 1 январдан бошлаб, офтальмология тиббий буюмларини чакана реализацияси (оптика) фаолияти учун, Фармацевтика тармоғини ривожлантириш агентлигига ушбу фаолиятни бошлаганлик ёки тугатганлик ҳақида хабарнома юбориш тартибини жорий қилиш орқали лицензия расмийлаштириш амалиёти бекор қилинади.
Эслатиб ўтамиз, офтальмология тиббий буюмларини чакана реализацияси фаолиятини бошлаш истагида бўлган жисмоний ва юридик шахслар учун юқоридаги хабарнома юбориш тартиби тегишли қонун ҳужжатлари лойиҳалари қабул қилингандан сўнг жорий этилади.
Таькидлаш жоизки, Фармонинг 2 банд б кичик бандига асосан, офтальмология тиббий буюмларини чакана реализацияси фаолияти учун аввал расмийлаштирилган лицензиянинг амал қилиши ўз кучида қолади ва ушбу фаолиятни амалга ошириш учун ваколатли органни хабардор қилиш талаб этилмайди.
—
