Фармацевтика тармоғини ривожлантириш агентлиги АҚШ Халқаро ривожланиш агентлиги (USAID)нинг “Дори воситалари сифатини такомиллаштириш плюс” (PQM+) лойиҳаси доирасида техник ёрдам кўрсатиш борасида кенг ҳамкорлик олиб бормоқда.

Шунинг доирасида, “Дори воситалари, тиббий буюмлар ва тиббий техника экспертизаси ва стандартлаштириш давлат маркази” ДУК Синов маркази ҳамда “Андижон дори воситалари, тиббий буюмлар ва тиббий техника экспертизаси ва стандартлаштириш давлат маркази” шўъба корхонаси синов лабораторияларининг сифат менежменти тизимини такомиллаштириш, ЖССТнинг преквалифициясига тайёргарлик кўриш бўйича тегишли ишларни амалга ошириш мақсадида 2020 йилнинг 16-19 июнь кунлари Қозоғистон Республикаси Соғлиқни сақлаш вазирлиги Маҳсулот ва хизматлар сифатини ва хавфсизлигини назорат қилиш қўмитасининг “Дори воситалари ва тиббий буюмлар экспертизаси миллий маркази” мутахассислари билан биргаликда “Яхши лаборатория амалиёти” (GLP) мавзусида онлайн тренинг ўтказилди.

4 кун давом этган тренингларда 125 га яқин мутахассислар иштирок этиб, тренинг якунида Фармацевтика тармоғини ривожлантириш агентлиги мутахассислари Қозоғистонлик ҳамкасблари ва халқаро экспертлар ўртасида мавзуга оид муҳокамалар ва савол-жавоблар ўтказилди.

Фармацевтика тармоғини ривожлантириш агентлиги Матбуот хизмати