Интерпол бутун дунёда уюшган жиноятчилик хавфи туғилаётганидан ҳавотирланмоқда. Таъкидланишича, катта кучга эга уюшган гуруҳлар қалбаки жаҳонга коронавирусга қарши вакциналарни тарқатишни ёки алмаштириш йўли билан ҳақиқийсини ўзлаштиришни режалаштирмоқда. Бу ҳақда "Интерфакс"га таяниб "Даракчи.уз" хабар берди.

"Шу сабабли ҳуқуқни муҳофаза қилиш органлари ҳар хил криминал ҳолатларга имкон қадар синчков ва эҳтиёткор бўлишлари керак", – деди Интерпол бош котиби Юрген Шток.

Мазкур хавфни инобатга олиб, Интерпол 194 та аъзо мамлакатга огоҳлантириш мактубини юборди.

Шу ўринда Штокнинг эслатиб ўтишича, жиноятчи гуруҳлар қалбаки вакцина ва препаратлар ҳақида ёлғон рнекламалар билан интернетдаги сайтлар орқали ҳам одамларнинг онгига таъсир ўтказиши, фуқароларга сохта дориларни тавсия қилиши ҳам мумкин. Бу эса бутун дунё аҳли саломатлигини жиддий хавф остига қўяди.

Шу билан бирга уюшган гуруҳлар коронавирусни аниқлайдиган  қалбаки тестларни ҳам тарқатишга ҳаракат қилишмоқда. Масъул ташкилотнинг огоҳлантиришича, рўйхатга олинган 3 мингта сайтдан 1,7 мингтаси ноқонуний тиббиёт маҳсулотларини тарқатиш билан шуғулланмоқда.

Маълумот учун, харидорлар қалбаки дори воситасини қандай аниқлашлари ва дори воситасини харид қилишда нималарга эътибор беришлари кераклиги ҳақида бу ерда маълумот олишингиз мумкин.

—