Куни кеча Фармацевтика техник университети Кузатув кенгашининг биринчи расмий йиғилиши бўлиб ўтди.

Йиғилишда кенгашнинг ўқув жараёнини ҳамкорликда бошқариш, ижтимоий шериклик тамойилларини самарали амалга ошириш, университетнинг моддий-техник базасини мустаҳкамлаш, ўқув жараёнини янада такомиллаштириш каби асосий вазифалари кўриб чиқилди.

Кузатув кенгашига Фармацевтика техник университетининг жорий фаолияти, ривожланиш стратегиялари, ўқув-дастурий ишлари, талабаларни қабул қилиш жараёни ва талабаларга ажратилган стипендия дастурининг тафсилотлари ҳақида ҳисобот тақдим этилди.

Кузатув кенгаши университет томонидан тақдим этилган маълумотларга ижобий баҳо берди. Йиғилишда, шунингдек, Фармацевтика техник университетини ривожлантириш истиқболари ҳам муҳокама қилинди.

Фармацевтика тармоғини ривожлантириш
агентлиги Матбуот хизмати