Жорий йилнинг 13 август санасида Наманган вилоят Янги Наманган туманида жойлашган 2-Тиббиёт коллежининг катта мажлислар залида Наманган вилоят фармацевтика тармоғини ривожлантириш бўлинмаси ташаббуси билан йиғилиш ташкил этилди.

Фармацевтика тармоғини ривожлантириш агентлигининг Наманган вилоят бўлинмаси бошлиғи Улуғбек Умаров раислик қилган мазкур йиғилишда Ўзбекистон Республикаси Бош Прокуратура ҳузуридаги ИЖҚК Департаменти вилоят бошқармаси масъул ходимлари Элбек Хакимов, Аъзам Таджибаев, Вилоят Давлат солиқ бошқармаси масъул ходими Орифжон Абдуллаев, Вилоят монополияга қарши курашиш бошқармасининг савдо бўлими бошлиғи Абдусамат Таджибаев, Фармацевтика тармоғини ривожлантириш агентлигининг Наманган вилоят бўлинмаси бош мутахассиси Махмуд Қамчинбоев ва Наманган “Дори-Дармон” АЖ бошқарув раис ўринбосари Рустамжон Туйчиев, шунингдек Наманган вилоят “Дори-Дармон” АЖ тизимидаги дорихоналарнинг мудирлари ҳамда вилоятда фаолият юритаётган хусусий дорихона вакиллари иштирок этишди.

Йиғилишда вилоятда аҳолининг арзон ва сифатли дори-дармон воситалари ва тиббиёт буюмлари билан таъминланганлик даражасини янада ошириш, уларнинг нархини белгилаш бўйича ўрнатилган тартибни бузиш фактларини профилактика қилиш ва олдини олиш таъкидланди.

Шу билан бирга фармацевтика фаолиятининг алоҳида турларини лицензиялаш тартибини такомиллаштириш мақсадида қабул қилинган Ҳукумат қарорларининг мазмун моҳияти ҳамда тиббиёт ташкилотларида дори воситаларини тайинлаш, халқаро патентланмаган номланиши бўйича рецептларни расмийлаштириш ҳамда беморнинг дори воситаларини қабул қилиш, сақлаш ва қўллаш тартиби тўғрисида йиғилиш қатнашчиларига атрофлича тушунтириш берилди.