Жорий йилнинг 23 апрель куни Фармацевтика тармоғини ривожлантириш агентлиги директори Сардор Кариев АҚШлик олим,  иммунолог, биология фанлари доктори, профессор  Пётр Игнатов билан учрашди. Унда Тошкент вакцина ва зардоблар илмий-тадқиқот институти ҳамда Фармацевтика тармоғини ривожлантириш агентлиги етакчи  мутахассислари ҳам иштирок этди.

Учрашув давомида америкалик олим йиғилганларни COVID-19 инфекцияси билан кассаланган беъморларда дастлабки босқичда қўлланилиши мумкин бўлган, клиник синовлари якунлаган  юқори таъсирга эга ишланмалари билан таништирди.

Шунингдек, Пётр Игнатов Тошкент вакцина ва зардоблар илмий-тадқиқот институти билан ҳамкорликда қилиниши мумкин бўлган истиқболли лойиҳалар ҳақида ҳам сўз очди. Хусусан, ОИВ инфекцияси ва паразитар   касалликларига  қарши дори воситалари, шу билан бирга бошқа турдаги Ўзбекистонда эҳтиёжи юқори бўлган дори воситаларини мамлакат ҳудудида ишлаб чиқариш таклифини билдирди.

Мулоқот чоғида Агентлик директори ўртага ташланган мавзуларда инновацион ечимлар борлигини алоҳида таъкидлаб, аҳоли саломатлигини муҳофаза қилишда бундай йўналиш ҳозирги кунда долзарб эканлигини таъкидлади.

“Биотехнологик препаратларнинг ишлаб чиқарилиши ривожланган мамлакатларда аллақачон ўз самарасини бермоқда. Ўзбекистон фармацевтикаси ҳам шу йўналишни босқичма босқич эггалашни мақсад қилган”, - деди Агентлик директори.