Агентлик директорининг ўринбосари Жамшид Эшмурадов бошчилигидаги экспертлар Португалиянинг “IGHS Global Healthcare” компанияси вакиллари билан учрашишди.

Учрашувда меҳмонлар учун Фармацевтика тармоғини ривожлантириш агентлиги фаолиятига бағишланган тақдимот ўтказилди. Унда Ўзбекистондаги қулай сармоявий муҳит, инвесторлар учун яратилган имтиёз ва преференциялар кенг ёритилиб, Фарм ЭИЗ ва “Tashkent Pharma Park” инновацион илмий-ишлаб чиқариш фармацевтика кластерида инвестицион лойиҳаларини амалга ошириш учун яратилган имкониятлар очиб берилди.

Фармацевтика маҳсулотларини ишлаб чиқаришда маҳаллий фармацевтика корхоналари билан ҳамкорлик алоқаларини ўрнатишни режа қилган компания раҳбари Хосе Алехандре Кунья “IGHS Global Healthcare”нинг Ўзбекистон фармацевтика бозорига қизиқиши жуда катта эканини ва келажакда компания ўз маҳсулотини қўшни давлатларга экспорт қилишида юртимизнинг қулай географик жойлашуви қўл келишини таъкидлади.

Музокаралар якунига кўра, Португалия томони қилинадиган ишлар юзасидан “Йўл харитаси” лойиҳасини жўнатишига келишиб олинди.

Фармацевтика тармоғини ривожлантириш
агентлиги Матбуот хизмати