Россия Федерацияси саноат ва савдо вазири Денис Мантуров “Cпутник V” COVID-19 га қарши вакцина намуналарини шахсан республика пойтахтига етказиб берди. Уни Ўзбекистон Республикаси Санитария-эпидемиологик осойишталик ва жамоат саломатлиги хизмати бошлиғининг биринчи ўринбосари Холмамат Норбоев кутиб олди.

Вазирликнинг хабар беришича, намуналар вакцинани рўйхатдан ўтказиш ва саноат услубида ишлаб чиқаришни йўлга қўйиш учун зарур бўлган синовларни ўтказиш учун Ўзбекистон томонига топширилди.

Яқин кунларда ишлаб чиқарилган Спутник V вакцинасининг умумий ҳажми 2 миллион дозани ташкил этади - бу мамлакатимиз аҳолисини эмлашни бошлашга имкон беради.

Вакцинанинг клиник синовлари Белорусияда, шунингдек Венесуэла, Бирлашган Aраб Aмирликлари, Ҳиндистонда олиб борилмоқда. Бразилия, Aргентина ва бошқа мамлакатларнинг регуляторлари билан иш олиб борилмоқда. Хориждаги Cпутник V клиник синовларида қатнашаётган кўнгиллиларнинг умумий сони 5000 нафардан ошган.

Aйни пайтда Россиядан ташқарида Cпутник V вакцинасини ишлаб чиқариш бўйича Ҳиндистон, Бразилия, Хитой, Жанубий Корея ва бошқа тўрт мамлакат компаниялари билан шартномалар тузилган.

Россия вакцинасини тезкор рўйхатдан ўтказиш бўйича ЖССТ ва бошқа йирик халқаро ташкилотлар ва муассасалар билан вакцинани Европа Иттифоқида айланишига рухсат олиш учун музокаралар олиб борилмоқда.

Спутник V вакцинасининг самарадорлик кўрсаткичлари 95 фоиздан юқори бўлиб, улар Россияда 40 минг кўнгиллилар иштирокида ўтказилган кенг кўламли клиник синовлар давомида намойиш этилган.