Фармацевтика тармоғини ривожлантириш агентлигининг Лицензиялаш ва назорат қилиш бошқармаси томонидан Сирдарё вилояти тиббиёт муассасалари ички дорихоналарида ўтказилган текширувларда фаолиятни лицензиясиз ноқонуний амалга оширилган ҳолатлар аниқланди.

Соғлиқни сақлаш вазирлиги ҳузуридаги Фармацевтика тармоғини ривожлантириш Агентлигининг Лицензиялаш ва назорат қилиш бошқармаси томонидан 2021 йил II-IV чоракларда фармацевтика фаолияти билан шуғулланувчи давлат тиббиёт муассасалари дорихоналарининг лицензия талаб ва шартларига риоя этишларини назорат қилиш бўйича  ўтказиладиган текширишлар режа-жадвалига мувофиқ, 2021 йил 28-29 июн кунлари  Сирдарё  вилояти кўп тармоқли тиббиёт маркази, Республика Шошилинч тиббий ёрдам илмий марказининг Сирдарё вилоят филиали, Сирдарё туман тиббиёт бирлашмаси, Гулистон шаҳар тиббиёт бирлашмаси ички текшириш ишлари ўтказилди.

Текширувларда айрим тиббиёт муассасалари лицензияларининг амал қилиш муддати тугаганлигига қарамай дори воситаларини тайёрлаш фаолиятини лицензиясиз ноқонуний равишда амалга оширганликлари, шунингдек дорихоналарда дори воситаларини сақлаш шароитлари бузилганлиги каби қонунбузилиш ҳолатлари аниқланиб, уларга нисбатан тегишли таъсир чоралари белгиланди.

Шу билан бирга, Шу билан бирга, лицензия талабларини бузилиш ҳолатларини олдини олишга қаратилган профилактик тадбирлар доирасида Сирдарё вилоятида фаолият юритаётган дори воситаларинини тайёрлаш, дори воситалари ва тиббий буюмларни  ишлаб чиқариш, дори воситалари ва тиббий буюмларни улгуржи реализация қилиш ҳуқуқига эга жами 27 та лицензиатлар ва тадбиркорлар  иштирокида семинар-йиғилиш ўтказилди.

Семинарда лицензиатлар эътиборига фармацевтика соҳасидаги янги қабул қилинган қонунчилик ҳужжатлари, уларнинг мазмун моҳияти тўғрисида маълумот бериш билан бирга, лицензиялаш ва назорат қилиш бошқармаси томонидан амалга оширилаётган, сифатсиз, контрафакт фармацевтик маҳсулотлар айланмасига бархам беришга қаратилган ишлар ҳақида ахборт берилди.

Хусусан, жисмоний ва юридик шахслардан келиб тушган мурожаатлар асосида лицензиатларда ўтказилган текширувлар ва кўрилган таъсир чоралар улар эътиборига етказилиб,  дори воситалари муомаласида сифатсиз, контрафакт фармацевтик маҳсулотлар айланмасига йўл қўймаслик тўғрисида лицензиятлар огоҳликка чақирилди.

Шунингдек,Ўзбекистон Республикаси Президентининг 2019 йил 10 апрелдаги «2019-2021 йилларда республиканинг фармацевтика тармоғини янада жадал ривожлантириш чора-тадбирлари тўғрисида» ПФ-5707-сон Фармони 4-бандига асосан 2022 йилнинг 1 январига қадар Фармацевтика маҳсулотларини ишлаб чиқарувчи барча маҳаллий корхоналар «Зарур ишлаб чиқариш амалиёти - GMP» миллий талабларига мувофиқ, Фармацевтика маҳсулотларини улгуржи сотиш билан шуғулланувчи барча маҳаллий корхоналар «Зарур дистрибюторлик амалиёти-GDP» миллий стандарти талабларига мувофиқ мажбурий сертификатлаштирилиши зарур эканлиги белгиланганлиги ва мазкур қонун ҳужжати талабига риоя этмаслик 2022 йил 1 январдан бошлаб лицензия талабини бузилиши ҳолати деб баҳоланиши мумкинлиги ҳақида лицензиатлар огоҳлантирилди.

Семинар сўнгида йиғилиш қатнашчилари томонидан берилган саволларга мутахассислар томонидан тегишли жавоблар берилди.