2023 йил 25-26 декабрь кунлари Туркия давлатида  Туркия ишбилармон доиралари вакиллари иштирокида давра суҳбати бўлиб ўтган эди. Унда Фармацевтика тармоғини ривожлантириш агентлиги директори иштирок этиб, Туркиянинг бир нечта фармацевтика компаниялари билан музокаралар ўтказган. Келгусида ҳамкорликни янада кучайтириш, юртимизда фармацевтика соҳасида чет эл компаниялари учун яратилган шароит ва имтиёзлар билан таништириш мақсадида Абдулла Азизов ҳамкорларни  Ўзбекистонга таклиф қилган эди.  Таклифга биноан бугун Туркиянинг йирик фармацевтика компанияси “Abdi Ibrahim”нинг халқаро бозорлар бўйича вица президенти  Ko‘ksal Ulgen Ўзбекистонда бўлиб турибди. Дастлаб агентлик директори Абдулла Азизов ҳамкорларга  Фармацевтика тармоғини ривожлантириш агентлиги фаолияти билан таништирди. Шунингдек, Ўзбекистонда яратилган қулай сармоявий муҳит, инвесторларга бериладиган имтиёз ва преференсиялар ҳақида тақдимот ўтказиб,  “Ташкент Фарма Парк” инновацион илмий-ишлаб чиқариш фармацевтика кластери ҳудудида инвестицион лойиҳаларни амалга ошириш учун яратилган имкониятлар билан таништирди.

Мазкур компания Туркияда жойлашган бўлиб, мамлакат фармацевтика саноатида 20 йилдан ортиқ етакчи бўлиб келган. Туркия, Қозоғистон ва Жазоирда ишлаб чиқариш қувватларига эга халқаро фармацевтика компаниясидир. Дунё бўйлаб 30 дан ортиқ лицензияловчилар билан ишлашдан ташқари, компания ўзининг лицензияланган маҳсулотларини ишлаб чиқаради ва дори-дармонларни 70 дан ортиқ мамлакатга экспорт қилади. Учрашув якунида Ko‘ksal Ulgen Ўзбекистон бозорини ўрганиши, "Тошкент фарма парк" кластери билан яқиндан танишиб, янги лойиҳалар юзасидан яна бир бор музокара ўтказилишини билдирди.