Маълумки, “Ўзбекистон Республикаси Президентининг 2020 йил 25 ноябрдаги “Биотехнологияларни ривожлантириш ва мамлакатнинг биологик хавфсизлигини таъминлаш тизимини такомиллаштириш бўйича комплекс чора-тадбирлар тўғрисида”ги 4899-сонли қарорининг 1-иловаси 66-банди билан “Олимлар ва ўқитувчиларнинг етакчи биотехнология марказларида таълим олиши ва стажировка ўташини, шунингдек, магистрантлар ва PhD-докторантларнинг таҳсил олишини ташкил этиш” бўйича топшириқ берилганди.

Тошкент вакцина ва зардоблар илмий-тадқиқот институти томонидан мазкур топшириқ ижроси доирасида мазкур институт кичик илмий ходими Марат Маъмуров 2022 йилнинг сентябрь ойида Франциянинг Париж-Сакле Университетида (ARWU топ-13) "Дори воситалари ва тиббиёт маҳсулотларини такомиллаштириш" мутахассислиги бўйича таълим олишга юборилди.

Айтиш жоизки, Марат Маъмуров жорий йилда "Эл-юрт умиди" жамғармаси, Франция элчихонаси ва Campus France агентлиги ҳамкорлигида ташкил қилинган танловда иштирок этиб, магистратура таълим дастури бўйича "Жамғарма стипендиати" деб эътироф этилганди.

Фармацевтика тармоғини ривожлантириш
агентлиги Матбуот хизмати