ToshVZITI xodimi Marat Maʼmurov Fransiyaning universitetiga taʼlim olishga yuborildi
Maʼlumki, “O‘zbekiston Respublikasi Prezidentining 2020 yil 25 noyabrdagi “Biotexnologiyalarni rivojlantirish va mamlakatning biologik xavfsizligini taʼminlash tizimini takomillashtirish bo‘yicha kompleks chora-tadbirlar to‘g‘risida”gi 4899-sonli qarorining 1-ilovasi 66-bandi bilan “Olimlar va o‘qituvchilarning yetakchi biotexnologiya markazlarida taʼlim olishi va stajirovka o‘tashini, shuningdek, magistrantlar va PhD-doktorantlarning tahsil olishini tashkil etish” bo‘yicha topshiriq berilgandi.
Toshkent vaksina va zardoblar ilmiy-tadqiqot instituti tomonidan mazkur topshiriq ijrosi doirasida mazkur institut kichik ilmiy xodimi Marat Maʼmurov 2022 yilning sentyabr oyida Fransiyaning Parij-Sakle Universitetida (ARWU top-13) "Dori vositalari va tibbiyot mahsulotlarini takomillashtirish" mutaxassisligi bo‘yicha taʼlim olishga yuborildi.
Aytish joizki, Marat Maʼmurov joriy yilda "El-yurt umidi" jamg‘armasi, Fransiya elchixonasi va Campus France agentligi hamkorligida tashkil qilingan tanlovda ishtirok etib, magistratura taʼlim dasturi bo‘yicha "Jamg‘arma stipendiati" deb eʼtirof etilgandi.
Farmatsevtika tarmog‘ini rivojlantirish
agentligi Matbuot xizmati