Фармацевтика тармоғини ривожлантириш агентлигида Туркиянинг тиббий буюмларни ишлаб чиқаришга ихтисослашган “GÖKLER GROUP” компанияси вакиллари билан учрашув бўлиб ўтди.

Икки томонлама манфаатли ҳамкорликни йўлга қўйиш мақсадида ташқил этилган мазкур учрашувда “GÖKLER GROUP” компанияси бош директори Göksel Aras, ташқи савдо бўйича менежер Turgay Abus, Ўрта Осиё минтақаси бўйича вакили Bilal Incidelen лардан иборат делегация вакиллари иштирок этишди.

Учрашув аввалида Агентлик директори Сардор Кариев компания вакилларига ўзаро ҳамкорлик соҳасида қизиқиш билдирганлари учун ташаккур изҳор қилди.

Тадбирда Ўзбекистон Республикасида инвестицион лойиҳасини амалга ошириш мақсад қилган компания билан юртимиз ҳудудида тиббий буюм ишлаб чиқаришни маҳаллийлаштириш лойиҳасини йўлга қўйиш борасида ҳамкорлик қилишга келишиб олинди.

Бу келишув Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги ва Туркиянинг “Gökler Group” компанияси ўртасидаги ҳамкорлик тўғрисида Битим билан мустаҳкамланди.