«Uzbek Leasing International A.О.» АЖ ҚК халқаро лизинг компанияси Ўзбекистондаги етакчи лизинг компанияларидан бири бўлиб, 1995 йилдан буён лизинг бозорида фаолият кўрсатиб келади. Компаниянинг акционерлари Узбек-Омон инвестицион компанияси, Maybank (Малайзия) ҳамда «Ўзбекистон Миллий Банки» бўлиб, шу даврга қадар Европа тикланиш ва тараққиёт банки, Халқаро молия корпорацияси, Осиё тараққиёт банки,  Ислом корпорацияси, «АКА банк» (Германия) ва «KDB Bank Uzbekistan» каби халқаро ва маҳаллий молия ташкилотларининг кредитларидан лизинг лойиҳаларини молиялаштиришда фойдаланиб келмоқда.

Маълумот учун, шу даврга қадар, мазкур компания томонидан тўқимачилик, чарм-пойабзал, озиқ-овқат, мебель ва қурилиш материаллари ишлаб чиқариш, паррандачилик, сайёҳлик, транспорт, полиграфия, тиббиёт ва фармацевтика каби соҳаларда умумий қиймати 210 миллион АҚШ долларидан ортиқ бўлган 1700 дан кўп лойиҳалар молиялаштирилди.

Шунингдек «NIKA PHARM» МЧЖ, «TASHKENT SHAHAR DORI-DARMON» АЖ, «TEXNOXIMFARM» МЧЖ, «SAMSUN-TOSHKENT FARM» МЧЖ, «MEGA FARM SERVICE» МЧЖ, «PHARM PARTNERS GROUP» МЧЖ каби фармацевтика соҳаси корхоналарига лизинг хизматлари ушбу компания томонидан кўрсатилиб келинмоқда.

Ҳурматли тадбиркорлар! Лизинг мулкини хориждан чет эл валютасида ва миллий валютада маҳаллий ишлаб чиқарувчилардан ва дилерлардан сотиб олиш хизматларидан фойдаланиш ниятида бўлсангиз унда (78) 120-02-02 рақамларига мурожаат қилишингиз мумкин.