Фармацевтика тармоғини ривожлантириш агентлиги директори Абдулла Азизов “NIKA PHARM” МЧЖ бош директори Сергей Ким ва ишлаб чиқариш бўйича директори Шоҳруҳ Абдусалимзодалар билан бизнес учрашувини ўтказди.

Компания вакиллари “Спрей, саше, таблетка, капсула, шунингдек, пеллет (қаттиқ дори воситаларининг янги тури, гранулалар) шаклидаги дори воситаларини "Tashkent Pharma Park" инновацион илмий-ишлаб чиқариш фармацевтика кластери ҳудудида ишлаб чиқариш” лойиҳасига қизиқиш билдирдилар.

Агентлик раҳбарияти мазкур ташаббусни қўллаб-қувватлаб, лойиҳани амалга ошириш учун қўйилиши зарур бўлган қадамлар, Tashkent Pharma Park кластери иштирокчиларига қўйиладиган талаблар борасида тушунтиришлар берди.

Маълумот учун:
2006 йилда асос солинган “NIKA PHARM” ҳозирги кунда Ўзбекистон Республикаси фармацевтика бозоридаги етакчи компаниялардан саналади. Корхона терапевтик, кардио-, гастро-, невро-препаратларни, шунингдек, грипп ва шамоллашга қарши ҳамда аёллар ва эркаклар саломатлиги учун препаратлар портфелларини оригинал рецептлар асосида ишлаб чиқаради.