Жорий йилнинг 22 февраль куни Фармацевтика тармоғини ривожлантириш агентлиги директори А.Азизов Ўзбекистоннинг Сингапур Республикасидаги Фавқулодда ва мухтор элчиси А.Қаюмов билан учрашди.

Учрашув чоғида фармацевтика соҳасида Ўзбекистон ва Сингапур ҳамкорлиги доирасидаги лойиҳалар ҳамда келгусидаги режалар, хусусан, таълим (Double degree program), инвестицияларни жалб қилиш ва шартнома асосида ишлаб чиқариш каби масалалар муҳокама қилинди.

Шунингдек, Агентлик директори биотехнология кластерини қуриш бўйича Сингапур тажрибасини ўрганишга қизиқиш билдирди ва элчи жанобларидан Сингапурдаги “Big Pharma” компанияси вакиллари билан учрашув ташкил этишда амалий ёрдам беришни сўради.