Ўзбекистон Республикаси Соғлиқни сақлаш вазирлиги Фармацевтика тармоғини ривожлантириш агентлиги
Ру O`z Ўз En

Божхона расмийлаштирувида коронавирусга қарши дори воситаларини қўллаш бўйича йўриқномалари ўзбек тилида бўлиши керакми?

Ҳурматли тадбиркорлар!

Хабарингиз бор, Вазирлар Маҳкамасининг “Коронавирус пандемияси даврида дори воситалари, тиббий буюмлар ва тиббий техникалар муомаласини тартибга солишга доир чора-тадбирлар тўғрисида”ги қарорига биноан, Ўзбекистон Республикасида  2020 йил 1 октябрга қадар бўлган муддатда рўйхатдан ўтказмасдан, мажбурий сертификациялаштириш шарти билан импорт қилинадиган, COVID-19 инфекцияси билан касалланган беморларни даволашда қўлланиладиган 46 турдаги дори воситалари ва биологик фаол моддалар рўйхати тасдиқланган.

Қарорга кўра:

Юртимизга олиб кирилаётган, рўйхатдаги дори воситаларини айрим кимёвий таҳлилларни ўтказган ҳолда сертификатлаштириш учун дори воситасининг қадоғида ҳалқаро патентланмаган номини ўзбек ёки рус ёхуд инглиз тилида кўрсатилишини таъминлаган ҳолда ишлаб чиқарувчи корхонанинг синов баённомасини ва синов усуллари кўрсатилган ҳужжатни тақдим этишлари шарт эканлиги белгиланган.

Фармацевтика тармоғини ривожлантириш агентлиги шуни маълум қиладики, коронавирусга чалинган беморлар учун мўлжалланган дори воситасининг божхона расмийлаштируви импорт қилиш билан шуғулланувчи ташкилот мурожаатига асосан олиб кирилган дори препаратларини қўллаш бўйича йўриқномаларини давлат тилидаги матни лойиҳаси Дори воситалар, тиббий буюмлар ва тиббий техника экспертизаси ва стандартизацияси давлат марказининг Фармакология қўмитаси томонидан бир кун муддатда маъқуллаб берилади.

Фармацевтика тармоғини ривожлантириш агентлиги Матбуот хизмати

Белгиланган матнни тинглаш учун қуйидаги тугмани босинг Powered by GSpeech