Ўзбекистон иккинчи халқаро форуми доирасида Фармацевтика саноатини ривожлантириш агентлиги директори Эгамов Улуғбек Абдувалиевич билан AstraZeneca компанияси ўртасида ишбилармонлик учрашуви бўлиб ўтди.

Учрашув аввалида AstraZeneca халқаро биофармацевтика компанияси Ўзбекистонда фармацевтика саноатини қўллаб-қувватлаш ва ривожлантиришдан манфаатдор эканлигини билдирди.

Ўпка касалликлари, метаболик касалликлар, онкологик ва юрак-қон томир касалликлари, этим касалликларини даволаш учун дори воситаларини ишлаб чиқиш ва ишлаб чиқариш бўйича тўпланган кўп йиллик тажрибани ҳисобга олган ҳолда, AstraZeneca Агентлик билан ҳамкорликда фармацевтика саноати соҳасида кенг кўламли йўналишлар бўйича мутахассисларни тайёрлаш бўйича таълим дастурларини шакллантириш ва амалга оширишда, айниқса, дори воситаларини ишлаб чиқиш ва ишлаб чиқаришнинг амалий жиҳатлари доирасида хорижий экспертлар ва ўқитувчиларни жалб этишда ўз ҳиссасини қўшишга ва иштирок этишга тайёрлигини билдирди.

Учрашувда, шунингдек, маҳаллий ишлаб чиқаришга сармоя киритиш, жумладан, маҳаллий ишлаб чиқарувчилар билан шартнома муносабатлари доирасидаги масалалар атрофлича муҳокама қилинди. Халқаро тажриба шуни кўрсатадики, ишлаб чиқаришни маҳаллийлаштириш кўп жиҳатдан давлат томонидан қарама-қарши мажбуриятларнинг мавжудлиги, шунингдек, маҳаллийлаштирилган дори воситаларини давлат харидлари бўйича мунозара иштирокчилари ҳисобга олиш имкониятлари билан рағбатлантирилади.
Шу билан бирга, AstraZeneca мутахассисларининг фикрига кўра, диагностика, рақамлаштириш ва соғлиқни сақлаш тизимида беморларнинг маршрутини такомиллаштиришга инвестицияларни таянч сифатида кўриб чиқиш муҳим аҳамиятга эга.
AstraZeneca кўплаб мамлакатларда тиббиёт ва фармацевтика соҳасида маҳаллий биотехнология ва рақамли стартапларни қўллаб-қувватлаш ва ривожлантириш бўйича катта тажрибага эга ва Агентликка бозорга чиқиш ва маҳаллий тиббий стартапларни тиббиёт соҳасига янада жорий этиш учун ривожланишни баҳолаш ва қўллаб-қувватлаш бўйича ўз тажрибасини таклиф этишини билдирди.
AstraZeneca Ўзбекистонда олиб борилаётган ишлар доирасидаги кенг кўламли тадбирларни ҳисобга олган ҳолда Агентликка Ўзбекистон Республикаси Соғлиқни сақлаш вазирлиги билан ҳамкорлик меморандумни имзолаш режалаштирилганлигини маълум қилди.

Учрашув якунларига кўра, томонлар яқин ишбилармонлик алоқалари доирасидаги келгусидаги ишларни давом эттириш, қисқа ва ўрта муддатли истиқболда ҳамкорлик йўналишларини шакллантиришдан манфаатдорлигини билдирди.