Toshkent vaksina va zardoblar ilmiy-tadqiqot institutida “Farmatsiya, immunitet va vaksina. Dolzarb muammolar” mavzusida respublika ilmiy-amaliy anjumani bo‘lib o‘tdi.

Unda ToshVZITI ilmiy laboratoriyalari xodimlari, vaksina, zardoblar, biopreparatlar, biotexnologiyalar sohasida faoliyat ko‘rsatayotgan ilmiy muassasalar vakillari, farmasevtika, tibbiyot, biologiya, biotexnologiya va boshqa sohalarda faoliyat ko‘rsatayotgan mahalliy olimlar, izlanuvchilar, doktorantlar, mustaqil izlanuvchilar ishtirok etdilar.

Anjumanni o‘tkazishdan asosiy maqsad, Vaksina, zardob va boshqa biopreparatlarni yaratish borasida xorijiy ilg‘or tajribalar to‘g‘risida ma’lumot olish, ToshVZITI va Respublikamizning boshqa ilmiy markazlari tomonidan bu sohada amalga oshirilayotgan ilmiy ishlar natijalarini yoritish, ToshVZITI doktorantlarining ilmiy tadqiqot ishlari natijasida olingan dastlabki natijalarni muhokama qilish, sohaga yosh olimlar, izlanuvchilarni jalb qilish, vaksina-zardob ishi, farmasevtika biotexnologiyalari bo‘yicha faoliyat yuritayotgan mutaxassislarni tajriba, malaka va xabardorligini oshirishdan iborat.