Farmatsevtika mahsulotlarini ishlab chiqaruvchi mahalliy tadbirkorlar qo‘llab-quvvatlanadi
Xabaringiz bor “Mahalliy ishlab chiqaruvchilarni qo‘llab-quvvatlash chora-tadbirlari to‘g‘risida”gi Hukumat qarori (41-son, 29.01.2021 y.) qabul qilinganligi haqida maʼlumot bergan edik.
➖ Qarorga muvofiq, Davlat xaridlaridagi ishtiroki vaqtinchalik taqiqlangan va chegaralangan xorijda ishlab chiqarilgan tovarlar, shuningdek, xorijiy shaxslar tomonidan bajariladigan ishlarning (xizmatlarning) ro‘yxatini shakllantirish tartibi to‘g‘risidagi nizom;
➖ Davlat xaridlaridagi ishtiroki vaqtinchalik taqiqlangan
va chegaralangan xorijda ishlab chiqarilgan tovarlar, shuningdek, xorijiy shaxslar tomonidan bajariladigan ishlarning (xizmatlarning) ro‘yxati;
➖ Davlat xaridlarida mahalliy ishlab chiqarilgan tovarlarga (ishlar, xizmatlarga) preferensiya berish tartibi to‘g‘risidagi nizomlar tasdiqlandi.
Sog‘liqni saqlash vazirligi huzuridagi Farmatsevtika tarmog‘ini rivojlantirish agentligi mazkur qaror ijrosi yuzasidan mahalliy farmatsevtika korxonalari tomonidan ishlab chiqariladigan mahsulotlar hajmlari va nomenklaturasini oshirish, davlat xaridlari tizimida mahalliy ishlab chiqaruvchi korxonalarning ishtirokini kengaytirish maqsadida barcha farmatsevtika mahsulotlarini ishlab chiqaruvchi korxonalardan ushbu qaror ilovasida keltirilgan Davlat xaridlaridagi ishtiroki vaqtinchalik taqiqlangan va chegaralangan xorijda ishlab chiqarilgan tovarlar ro‘yxatida keltirilgan TIF TN kodlariga:
tegishli bo‘lgan mahalliy dori vositalari hamda tibbiy buyumlarning ro‘yxatini qisqa muddatlarda Agentlikning Ishlab chiqarish masalalari boshqarmasiga (produce@uzpharmagency.uz) ilovaga muvofiq taqdim etilishini so‘raydi.
Murojaat uchun: Tel.71 203-81-81 (231)
—